Saturday, January 31, 2015

ALL THE BEST !!

उद्या होणारी विक्रीकर निरीक्षक पूर्व परीक्षा देणाऱ्या सर्व वाचकांना आमच्या मन:पूर्वक शुभेच्छा.
डोके शांत ठेवा जेवढी तयारी झाली आहे, ती उत्तम आहे.
आता शांत चित्ताने, घड्याळाचे भान ठेवत पेपर द्या.
सर्व सूचना काळजीपूर्वक वाचा.
उत्तरपत्रिकेवर तुमचा क्रमांक आणि सेरीज टाकताना घाई करू नका. थोडा जास्त वेळ घ्यावा लागला तरी चालेल. पण चित्त स्थिर झाल्यानंतरच टाका.
परीक्षकांच्या सर्व सूचना पाळा.
परीक्षेला जाण्यापूर्वी हॉल तिकीट वरील सर्व सूचना निट वाचून काढा. तुमचे नाव, परीक्षा केंद्र याची खातरजमा करा.

यश तुमचेच आहे, स्वत: वर विश्वास ठेवा.

ALL THE BEST

all the best
सविस्तर वाचा...... “ALL THE BEST !!”

Current Affairs 31 January 2015

  • ख्यातनाम गायक, अभिनेते,  नाट्यदिग्दर्शक, संगीतकार आणि गीतकार शेखर सेनshekhar_sen यांची संगीत नाटक अकादमीच्या अध्यक्षपदी नियुक्ती झाली आहे.
  • त्यांचा कार्यकाळ पाच वर्षांसाठी राहिल
  • तुलसी, कबीर, विवेकानंद, सूरदास या त्यांच्या संगीत एकपात्री नाट्यकृतींसाठी त्यांची प्रशंसा झाली आहे.
  • कुसुमाग्रज प्रतिष्ठानच्या वतीने देण्यात येणारा "जनस्थान पुरस्कार‘ ज्येष्ठ पत्रकार आणि साहित्यिक अरुण साधू यांना जाहीर झाला आहे.
  • रोख एक लाख रुपये, मानचिन्ह आणि मानपत्र असे या पुरस्काराचे स्वरूप
  • कुसुमाग्रज यांच्या जन्मदिनी (27 फेब्रुवारी) नाशिक येथे या पुरस्काराचे वितरण होणार
  • कुसुमाग्रज प्रतिष्ठानच्या वतीने दर दोन वर्षांनी हा पुरस्कार देण्यात येतो.
  • प्रतिष्ठानचे अध्यक्ष:- मधू मंगेश कर्णिक
  • सुरवात 1991 पासून करण्यात आली. विजय तेंडुलकर हे पहिल्या पुरस्काराचे मानकरी होते.
  • गेल्या वर्षाचा (2013) पुरस्कार भालचंद्र नेमाडे यांना देण्यात आला.
  • आजवर ह्या पुरस्काराने सन्मानित करण्यात आलेले साहित्यिक: विंदा करंदीकर, इंदिरा संत, गंगाधर गाडगीळ, व्यंकटेश माडगूळकर, श्री. ना. पेंडसे, मंगेश पाडगावकर, नारायण सुर्वे, बाबूराव बागूल, ना. धों. महानोर, महेश एलकुंचवार
  • 30 जानेवारीला कुष्ठरोग निवारण दिन साजरा
  • राज्य शासनाने 2015 हे डिजिटल वर्ष म्हणून जाहीर केले आहे. त्यामुळे आता मंत्रालय स्तरावर फाईल्स या डिजिटल स्वरूपातच स्वीकारल्या जातील. त्यासाठी एक निश्‍चित तारीख ठरविण्यात येईल, त्यानंतर मात्र ई-फाईल्सव्यतिरीक्त अन्य स्वरूपातल्या फाईल्स स्वीकारण्यात येणार नाहीत,
  • नागरिकांना सरकारकडून उत्तम आणि गतिमान सेवा मिळावी, यासाठी तयार करण्यात आलेल्या महाराष्ट्र लोक सेवा हमी विधेयकाचे प्रारूप www.maharashtra.gov.in या राज्य सरकारच्या संकेतस्थळावर उपलब्ध करण्यात आले आहे.
  • सोशल मिडियाचा आणि अद्ययावत तंत्रज्ञानाचा कल्पक वापर करत पंतप्रधान नरेंद्र मोदी यांनी ई-गव्हर्नन्सवरच्या 18 व्या राष्ट्रीय परिषदेला ट्विटरवरुन संबोधित केले.
  • ट्विटरवरून अशा प्रकारे भाषण देण्याची ही पहिलीच वेळ आहे.
  • अमेरिकेचे राष्ट्राध्यक्ष बराक ओबामा यांच्या भारत भेटीदरम्यान पंतप्रधानांनी साऊंड क्लाऊडद्वारे मन की बात चा विशेष भाग शेअर केला
  • प्रादेशिक परिवहन विभागाचे (आरटीओ) आयुक्त महेश झगडे यांनी काढलेल्या दलालमुक्तीच्या आदेशाला मुंबई उच्च न्यायालयाच्या नागपूर खंडपीठाने अंतरिम स्थगिती दिली आहे.
  • गांधीजींच्या पुण्यतिथीनिमित्त स्वच्छ भारत या संकल्पनेवरच्या टपाल तिकिटाचं प्रकाशन करण्यात आले.
  • देशातील औद्योगिक गुंतवणुकीत महाराष्ट्र अग्रेसर आहे.
  • राज्यात पाच लाख कोटी रुपयांच्या गुंतवणुकीचे उद्दिष्ट ठेवण्यात आले आहे.
  • प्रलंबित खटल्यांमुळे तुरुंगात खितपत पडलेल्या कैद्यांना दिलासा देण्यासाठी महाराष्ट्र सरकारने महत्त्वाकांक्षी योजना हाती घेतली आहे.
  • राष्ट्रीय मानवाधिकार आयोगाने जारी केलेल्या नियमांनुसार कच्च्या कैद्यांना बेलवर सोडण्याची योजना हाती घेण्यात येणार आहे.
  • राज्याच्या तुरुंगात असणाऱ्या सुमारे 27 हजार कैद्यांपैकी तब्बल 19 हजार कैदी कच्चे आहेत.
  • प्रजासत्ताक दिनाच्या संचलनातले सेवागटातले सर्वोत्कृष्ट संचलन पथक म्हणून ब्रिगेड ऑफ गार्डस आणि शीख रेजिमेंटला संयुक्तपणे हा सन्मान मिळाला आहे. अर्धसैनिक बलासाठीच्या प्रवर्गात केंद्रीय औद्योगिक सुरक्षा बलाचे पथक सर्वोत्कृष्ट ठरले.
  • संचलनादरम्यान सहभागी झालेल्या 25 चित्ररथांमध्ये महाराष्ट्राच्या चित्ररथाने बाजी मारली. महाराष्ट्राने पंढरीची वारी सादर केली होती. झारखंडच्या चित्ररथाला द्वितीय तर कर्नाटकला तृतीय पारितोषिक जाहीर झाले.
  • शालेय विद्यार्थ्यांच्या स्पर्धात्मक गटात गुजरातच्या पश्चिम विभागीय सांस्कृतिक केंद्राने सादर केलेले डांग नृत्य प्रथम पुरस्काराचे मानकरी ठरले. तर महाराष्ट्रातल्या नागपूरच्या दक्षिण मध्य सांस्कृतिक केंद्राच्या लेझीम नृत्याला उत्तेजनार्थ पारितोषिक देण्यात येणार आहे.
  • आंतरराष्ट्रीय क्रीडास्पर्धांमधले पदक विजेते आणि त्यांच्या प्रशिक्षकांच्या पुरस्काराच्या रकमेत क्रीडा मंत्रालयाकडून वाढ
  • उन्हाळी आणि हिवाळी ऑलिंपिक क्रीडा स्पर्धेतल्या सुवर्णपदकविजेत्या खेळाडूला आता 75 लाख, रौप्य पदक विजेत्याला 50 लाख तर कांस्य पदक विजेत्याला 30 लाख रुपये मिळतील.
  • आशियाई क्रीडा स्पर्धा आणि राष्ट्रकुल क्रीडा स्पर्धेत सुवर्णपदकाची कमाई करणाऱ्या क्रीडापटूला आता 30 लाख रुपये, रौप्य पदक प्राप्त खेळाडूला 20 लाख रुपये तर कांस्य पदक मिळवणाऱ्या खेळाडूला 10 लाख रुपयांचा पुरस्कार देण्यात येईल
  • मोबाईलधारक व "डायरेक्‍ट टू होम‘ सेवा वापरणाऱ्यांना राष्ट्रीय आयोगाच्या निर्णयामुळे वादाच्या प्रकरणात ग्राहक मंचाकडे न्याय मागता येणार आहे.
  • सर्वोच्च न्यायालयाच्या एका आदेशामुळे 2009 पासून हा पर्याय वापरण्यावर मर्यादा आल्या होत्या.
 
सविस्तर वाचा...... “Current Affairs 31 January 2015”

सुपर संभाव्य - चालू घडामोडी प्रश्नसंच -2


चालू घडामोडी प्रश्नसंच
2015 मध्ये होणाऱ्या सर्व स्पर्धा परीक्षांसाठी अतिशय उपयुक्त सेरीज

1. 17व्या आशियाई क्रीडा स्पर्धा ______ देशातील ' इंचियॉन' येथे पार पडल्या.

A. जपान
B. फिलीपाइन्स
C. द. कोरीया
D. उ. कोरीया


Click for answer

C. द. कोरीया
2. आशियाई क्रीडा स्पर्धा 2014 मध्ये पहिल्या तीन स्थानांवर राहीलेल्या देशांचा (उतरता) योग्य क्रम कोणता ?

A. भारत- जपान- द. कोरीया
B. चीन- द.कोरीया- भारत
C. चीन- द.कोरीया - जपान
D. द.कोरीया- चीन- थायलंड


Click for answer

C. चीन- द.कोरीया - जपान
3.
I. 2014च्या आशियाई क्रीडा स्पर्धेचे घोषवाक्य होते- 'येथे वैविध्य साकारते'
II. 2014 च्या आशियाई क्रीडा स्पर्धेचे शुभंकर ' चुमूरो-विच्यूॲन-बारामे' हे होते
वरील विधानांच्या आधारे योग्य पर्याय निवडा.

A. I बरोबर पण II चुकीचे
B. I चुकीचे पण II बरोबर
C. दोन्ही बरोबर
D. दोन्ही चुकीचे


Click for answer

C. दोन्ही बरोबर
4. 2018 च्या आगामी (18 व्या) आशियाई स्पर्धा कोठे होणे नियोजित आहे ?

A. नवी दिल्ली,भारत
B. जकार्ता, इंडोनेशिया
C. मनिला, फिलीपाइन्स
D. टोकियो, जपान


Click for answer

B. जकार्ता, इंडोनेशिया
5. आशियाई स्पर्धा 2014 मध्ये 11 सुवर्ण, 10 रौप्य आणि 36 कांस्य अशा एकूण 57 पदकांसह भारताने पदतालिकेत कितवे स्थान प्राप्त केले ?

A. 4 थे
B. 8 वे
C. 12 वे
D. 16 वे


Click for answer

B. 8 वे
6. 2014 ची 20 वी ' फिफा फुटबॉल विश्वचषक स्पर्धा ' कोणत्या देशात पार पडली ?

A. अर्जेंटिना
B. इंग्लंड
C. अमेरिका
D. ब्राझिल


Click for answer

D. ब्राझिल
7. 2014 च्या फिफा फुटबॉल स्पर्धेचे विजेतेपद अंतिम सामन्यात जर्मनीने कोणत्या संघाला नमवत प्राप्त केले ?

A. ब्राझिल
B. अर्जेंटिना
C. फ्रान्स
D. स्पेन


Click for answer

B. अर्जेंटिना
8. योग्य जोड्या जुळवा:
I.   गोल्डन बूट       a. लिओनेल मेस्सी 
II.  गोल्डन बॉल      b. जेम्स रॉड्रीगेज 
III. गोल्डन ग्लोव्हज    c. मॅन्युअल न्यूज 
IV.  वापरलेले तंत्रज्ञान   d. गोल रेषा 
                   e.सरळ रेषा


A. I-b, II-a, III-c, IV-d
B. I-a, II-b, III-c, IV-d
C. I-b, II-a, III-c, IV-e
D. I-a, II-b, III-c, IV-e


Click for answer



A. I-b, II-a, III-c, IV-d

9. 2014 च्या फिफा फुटबॉल विश्वचषक स्पर्धेत अदिदास कंपनीने तयार केलेला कोणता चेंडू वापरला गेला ?Brazuca

A. तेलस्टार
B. स्पीडसेल
C. ब्राझुका
D. जबुलानी


Click for answer



C. ब्राझुका

10. 'फिफा फुटबॉल विश्वचषक 2014' च्या ' फेअर प्ले ट्रॉफी' ने कोणत्या संघास गौरविण्यात आले ?

A. जर्मनी
B. ब्राझील
C. स्पेन
D. कोलंबिया


Click for answer



D. कोलंबिया

सविस्तर वाचा...... “सुपर संभाव्य - चालू घडामोडी प्रश्नसंच -2”

सुपर संभाव्य - चालू घडामोडी प्रश्नसंच -1


सन 2015 मध्ये होऊ घातलेल्या घटनांवर आधारित प्रश्नमंजुषा
2015 मध्ये होणाऱ्या सर्व स्पर्धा परीक्षांसाठी अतिशय उपयुक्त सेरीज

1. मे 2014 मध्ये कोणत्या देशात सार्वत्रिक निवडणुका होणे नियोजित आहे ?

A. अमेरिका
B. ब्रिटन
C. कॅनडा
D. चीन


Click for answer

B. ब्रिटन

स्पेन मध्ये डिसेंबर 2015 मध्ये, कॅनडा मध्ये ऑक्टोबर 2015 तर तुर्कस्तानात जून 2015 मध्ये सार्वत्रिक निवडणुका होणे नियोजित आहे.
2. डिसेंबर 2015 मध्ये अमेरिकेत गुलामगिरी निर्मूलनाची _____________जयंती साजरी केली जाईल.

A. सुवर्ण
B. अमृत महोत्सवी
C. शतक
D. शतकोत्तर सुवर्ण


Click for answer

D. शतकोत्तर सुवर्ण
3. वातावरण विषयक सीओपी-21 ही परिषद नोव्हेंबर 2015 मध्ये कोणत्या शहरात होणे नियोजित आहे ?

A. रिओ-द-जेनेरिया
B. क्योटो
C. नवी दिल्ली
D. पॅरिस


Click for answer

D. पॅरिस
4. जानेवारी 2015 पासून G-7 राष्ट्रसमूहाचे अध्यक्षपद कोणत्या देशाकडे आहे?

A. इटली
B. जर्मनी
C. अमेरिका
D. रशिया


Click for answer

B. जर्मनी
5. एप्रिल 2015 मध्ये अमेरिकेच्या नागरी युध्दास किती वर्षे पूर्ण होत आहेत ?

A. 100 वर्षे
B. 125 वर्षे
C. 150 वर्षे
D. 200 वर्षे


Click for answer

C. 150 वर्षे
6. ऑक्टोबर 2015 मध्ये ___________हा 24वा बाँडपट प्रदर्शित होणे नियोजित आहे. bond

A. दि स्पाय हू लव्ह्ड मी
B. स्पेक्टर
C. डॉ. नो
D. फॉर युअर आईज ओन्ली


Click for answer

B. स्पेक्टर (spectre)
7. एप्रिल 2015 मध्ये जर्मनीचा पहिला चॅन्सेलर बिस्मार्क यांच्या संदर्भातील कोणता समारंभ साजरा केला जाणार आहे?

A. पुण्यतिथीचे शताब्दीवर्ष
B. जन्म शताब्दीवर्ष
C. जन्म द्विशताब्दीवर्ष
D. जर्मनीच्या एकत्रीकरणाचे सुवर्णजयंती


Click for answer

C. जन्म द्विशताब्दीवर्ष
8. फेब्रुवारी 2015 पासून चीनमध्ये तेथील कॅलेंडरनुसार कसल्या वर्षाचा प्रारंभ होत आहे ?

A. इअर ऑफ स्नेक
B. इअर ऑफ गोट
C. इअर ऑफ मंकी
D. इअर ऑफ लायन


Click for answer

B. इअर ऑफ गोट
9. अकरावी विश्वचषक क्रिकेट स्पर्धा फेब्रुवारी 2015 मध्ये कोठे सुरू होत आहेत ?

A. वेस्ट इंडिज
B. ऑस्ट्रेलिया आणि न्यूझीलंड
C. दक्षिण आफ्रिका
D. श्रीलंका


Click for answer

B. ऑस्ट्रेलिया आणि न्यूझीलंड
10. दारिद्र्य निर्मूलनाची उद्दीष्टपूर्ती तपासण्यासाठी जागतिक नेते सप्टेंबर 2015 कोणत्या शहरात एकत्र येणार आहेत ?

A. व्हिएन्ना
B. न्यूयॉर्क
C. पर्थ
D. चेन्नई


Click for answer

B. न्यूयॉर्क
सविस्तर वाचा...... “सुपर संभाव्य - चालू घडामोडी प्रश्नसंच -1”

Latest vacancies

कर्मचारी निवड आयोगामार्फत विविध दलामध्ये कॉन्स्टेबल (जी.डी) पदाच्या 62,390 जागा ssc
कर्मचारी निवड आयोगामार्फत कॉन्स्टेबल (जी.डी) या पदी विविध दलामध्ये 62,390 जागा भरण्यात येणार आहेत. दलनिहाय जागा पुढीलप्रमाणे : केंद्रीय राखीव पोलीस दल (सीआरपीएफ) (24,588 जागा), केंद्रीय औद्योगिक सुरक्षा दल (सीआयएसएफ) (5,000 जागा), सीमा सुरक्षा दल (बीएसएफ) (22,517 जागा), सशस्त्र सीमा दल (एसएसबी) (6,224 जागा), इंडो-तिबेट बॉर्डर पोलीस फोर्स (आयटीबीपीएफ) (3,101 जागा), राष्ट्रीय तपास संस्था (एनआयसी) (86 जागा) व इतर विभागात (874 जागा). या पदासाठी ऑनलाईन अर्ज मागविण्यात येत आहेत. अर्ज करण्याची अंतिम तारीख 23 फेब्रुवारी 2015 आहे. यासंबंधीची जाहिरात एम्प्लॉयमेंट न्यूजच्या 24-30 जानेवारी 2015 च्या अंकात आली आहे. अधिक माहिती http://ssconline.nic.in या संकेतस्थळावर उपलब्ध आहे.

बृहन्मुंबई महानगरपालिकाअंतर्गत प्रयोगशाळा तंत्रज्ञ पदाच्या 49 जागा
बृहन्मुंबई महानगरपालिकाअंतर्गत सार्वजनिक आरोग्य खाते व प्रमुख वैद्यकीय अधीक्षक व खाते प्रमुख (माध्यमिक आरोग्य सेवा) यांच्या आस्थापनेवरील प्रयोगशाळा तंत्रज्ञ (49 जागा) या पदासाठी थेट मुलाखत दिनांक 5 फेब्रुवारी 2015 रोजी आयोजित करण्यात येत आहे. यासंबंधीची जाहिरात लोकमत 22 जानेवारी 2015 च्या अंकात आली आहे.

मिरा-भाईंदर महानगरपालिका वैद्यकीय सेवा या संवर्गातील 84 पदासाठी थेट मुलाखत
मिरा-भाईंदर महानगरपालिका वैद्यकीय सेवा या संवर्गातील वैद्यकीय अधीक्षक (1 जागा), निवासी वैद्यकीय अधिकारी (चिकित्सा) (1 जागा), वैद्यकीय अधिकारी (भिषक) (1 जागा), वैद्यकीय अधिकारी (स्त्रीरोग व प्रसूतिशास्त्र) (1 जागा), बालरोगतज्ज्ञ (1 जागा), बधिरीकरण शास्त्र (1 जागा), क्ष-किरण शास्त्रज्ञ (1 जागा), वैद्यकीय अधिकारी (चर्मकार) (1 जागा), वैद्यकीय अधिकारी (क्षयरोग चिकित्सक) (1 जागा), वैद्यकीय अधिकारी (12 जागा), साहाय्यक अधिसेविका (2 जागा), बालरोग परिचारिका (1 जागा), अधिपरिचारिका (36 जागा), परिचारिका (1 जागा), क्ष-किरण तंत्रज्ञ (2 जागा), ई.सी.जी तंत्रज्ञ (1जागा), प्रयोगशाळा तंत्रज्ञ (3 जागा), औषध निर्माता/मिश्रक (6 जागा), प्रसविका (7 जागा) या पदांसाठी 09, 10, 11, व 13 फेब्रुवारी 2015 रोजी थेट मुलाखत आयोजित केली आहे. यासंबंधीची जाहिरात लोकसत्ता 24 जानेवारी 2015 च्या अंकात आली आहे. अधिक माहिती http://www.mbmc.gov.in या संकेतस्थळावर उपलब्ध आहे.

झोपडपड्डी पुनर्वसन प्राधिकरणामध्ये विविध पदाच्या 3 जागा
झोपडपड्डी पुनर्वसन प्राधिकरणामध्ये करार पद्धतीने तक्रार निवारण अधिकारी (2 जागा), माहिती अधिकारी (1 जागा) या पदासाठी विहित नमुन्यात अर्ज मागविण्यात येत आहेत. यासंबंधीची जाहिरात सामना 26 जानेवारी 2015च्या अंकात आली आहे.

कॅनरा बँक मुंबई विभागात शिपाई/सफाईवाला पदाच्या 48 जागा
कॅनरा बँक मुंबई विभागातील शाखा व कार्यालयात शिपाई/सफाईवाला (48 जागा) या पदाकरिता अर्ज मागविण्यात येत आहेत. अर्ज करण्याची अंतिम तारीख 7 फेब्रुवारी 2015 आहे. अधिक माहिती www.canarabank.comhttps://www.maharojgar.gov.in या संकेतस्थळावर उपलब्ध आहे.

महाराष्ट्र, गोवा राज्यातील टपाल विभागाच्या प्रशासकीय कार्यालयात विविध पदाच्या 2426 जागा
महाराष्ट्र सर्कल (महाराष्ट्र आणि गोवा राज्य) च्या प्रशासकीय कार्यालये आणि रेल्वे मेल सेवा विभाग, विविध पोस्टल विभागांमध्ये पोस्टमन (1680 जागा), मेल गार्ड (21 जागा), मल्टी टास्कींग स्टाफ (725 जागा) या पदाकरिता ऑनलाईन अर्ज मागविण्यात येत आहेत. यासंबंधीची जाहिरात महाराष्ट्र टाइम्स, लोकमत 24 जानेवारी 2015 च्या अंकात आली आहे. अर्ज करण्याची अंतिम तारीख 18 फेब्रुवारी 2015 आहे. अधिक माहिती www.dopmah.in या संकेतस्थळावर उपलब्ध आहे.

सविस्तर वाचा...... “Latest vacancies”