Saturday, December 20, 2014

संक्षिप्त चालू घडामोडी 20 डिसेंबर 2014

  • ज्येष्ठ गांधीवादी कार्यकर्ते चुनीभाई वैदय यांचे निधन.
  • महापालिका आणि नगरपालिकांमधील बहुसदस्यीय प्रभाग पद्धत बंद करुन पूर्वी प्रमाणे एक प्रभाग एक नगरसेवक ही पद्धत लागू करण्याचा राज्य मंत्रिमंडळाचा निर्णय.
  • naralikar ज्येष्ठ शास्त्रज्ञ जयंत नारळीकर यांच्या 'चार नगरातले माझे विश्व' या आत्मचरित्राला साहित्य अकादमीचा पुरस्कार जाहीर झाला आहे. तसेच माधवी सरदेसाय यांना कोंकणी भाषेसाठी पुरस्कार जाहीर झाला आहे. मंथन या लेख संग्रहासाठी माधवी सरदेसाय यांना साहित्य अकादमीचा पुरस्कार जाहीर झाला आहे.
  • नारळीकर यांच्या 'यक्षांची देणगी' या पहिल्याच पुस्तकाला महाराष्ट्र शासनाचा पुरस्कार मिळाला होता.
  • नारळीकरांनी  आकाशाशी जडले नाते, विज्ञानाची गरुडझेप, गणितातील गमतीजमती, विश्वाची रचना, विज्ञानाचे रचयिते, नभात हसरे तारे, वामन परत न आला, अंतराळातील भस्मासुर, प्रेषित, व्हायरस, अभयारण्य, यक्षांची देणगी, टाइम मशीनची किमया, याला जीवन ऐसे नाव आदी विज्ञानावर आधारित पुस्तके लिहली आहेत.
  • राज्यात मराठी शाळा अखेरच्या घटका मोजत असतानाच शिक्षणमंत्री विनोद तावडे यांनी 'एक आमदार एक शाळा' योजना राबविणार असल्याची विधानसभेत घोषणा केली.
  • शिवछत्रपती क्रीडानगरी, बालेवाडी येथे सुरू असलेल्या 58व्या राष्ट्रीय नेमबाजी अजिंक्यपद स्पर्धेत प्रकाश नानजप्पाला 'चॅम्पियन ऑफ चॅम्पियन्स' किताब मिळाला.
  • अमेरिकेच्या संरक्षण विभागाने बंदुकीतून झाडल्यानंतरही दिशा बदलू शकणाऱ्या गोळीची यशस्वी चाचणी घेतली आहे. "एक्‍झॅक्‍टो" असे या गोळीचे नामकरण करण्यात आले आहे.
  • वाऱ्याचा वेग आणि हालते लक्ष्य यानुसार गोळीला दिशा देणारे तंत्रज्ञान यासाठी विकसित करण्यात आले आहे.
  • टेलिडाइन टेक्‍नॉलॉजी या अमेरिकी कंपनीने संरक्षण विभागासाठी या गोळीची निर्मिती केली आहे.
  • युवक आणि क्रीडा मंत्रालयाच्या क्रीडा खात्याने "स्पोर्टी इंडिया" या नावाने एक नवीन समूह स्थापन केला आहे.
  • क्रीडा प्राधिकरणाच्या पाच मैदानांचे उत्पन्न वाढीसाठी वेगवेगळ्या कल्पना, सूचना, सल्ले, मते या समुहाने मागवली आहेत.
  • काही दिवसांपूर्वीच क्रीडा खात्याने क्रीडा क्षेत्रात भारताला महासत्ता कसे बनवता येईल याविषयी चर्चा करण्यासाठी मुक्त व्यासपीठ उपलब्ध करून दिले आहे.
  • यंदाचे महाराष्ट्र पक्षिमित्र संमेलन 17 व 18 जानेवारीला पुण्यात होणार आहे. संमेलनाचे हे 28 वे वर्ष आहे.
  • सिक्कीमचे राज्यपाल श्रीनिवास पाटील हे संमेलनाचे उद्घाटक आहेत.  
  • ज्येष्ठ पक्षितज्ज्ञ डॉ. संजीव नलावडे यांच्या अध्यक्षतेखाली हे संमेलन होणार आहे .
  • जपानमधील एका रिसर्च कंपनीच्या नुकत्याच जाहिर झालेल्या सर्वेक्षणानुसार नरेंद्र मोदी हे जगातील दुसर सर्वाधिक कार्यकुशल (परफोर्मिंग) नेते ठरले आहेत. तर चीनचे राष्ट्राध्यक्ष क्षी जिनपिंग यांना अव्वल स्थानाचा मान मिळाला आहे.
  • मोदींच्या पाठोपाठ जर्मनीच्या चान्सेलर अँजेला मर्केल तिसऱ्या स्थानावर तर अमेरिकेचे राष्ट्राध्यक्ष बराक ओबामा चौथ्या स्थानी आहेत आणि ब्रिटनचे पंतप्रधान डेव्हिड कॅमेरून पाचव्या स्थानावर आहेत.
  • फेडरल बँकेने ग्राहकांना ऑनलाइन इच्छापत्र करणे आणि अन्य सेवा देण्यासाठी पुढाकार घेतला आहे. गेल्याच आठवडय़ात अशी सेवा खासगी क्षेत्रातील एचडीएफसी बँकेने सुरु केली होती.
  • कोळसा, नवीन आणि पुनर्नवीकरणीय ऊर्जा राज्यमंत्री पियूष गोयल यांनी आज ऊर्जा कायदा सुधारणा विधेयक 2014 लोकसभेत मांडले. ऊर्जा कायद्यातील या दुरुस्तीमुळे ऊर्जा क्षेत्रात सुधारणा करणे शक्य होणार आहे. तसेच ऊर्जा क्षेत्रात स्पर्धेला वाव मिळणार आहे.
  • ऊर्जा वितरण आणि पुरवठ्याच्या दर्जात सुधारणा होऊ शकणार आहे, अर्थात त्याचा फायदा ग्राहकांना मिळणार आहे.  विद्युत कायद्याचे आधुनिकीकरण करण्यासाठी 2003 मध्ये विद्युत कायदा अस्तित्वात आला. त्यानंतर या कायद्यात 2004 आणि 2007 मध्ये दोनवेळा सुधारणा करण्यात आल्या.
  • आता विद्युत क्षेत्रात स्पर्धेच्या संधी निर्माण करण्यासाठी आणि चांगल्या दर्जाची सेवा ग्राहकांना देण्यासाठी नवीन सुधारणा विधेयक आज लोकसभेत सादर करण्यात आले.
  • व्हिडीयोकॉन इंडस्ट्रीज लिमिटेड आणि अमेरिकास्थित विमा समुहाच्या लिबर्टी म्युच्युअलची लिबर्टी सिटीस्टेड होल्डींग्जमधील संयुक्त उद्यम असलेल्या लिबर्टी व्हिडीयोकॉन जनरल इन्शुरन्स कंपनी लिमिटेडने भारतीय आरोग्य विमा क्षेत्रात शिरकाव केला आहे.
  • पंतप्रधान नरेंद्र मोदीं यांच्या रेडिओवरील मन की बात हा कार्यक्रम खासगी रेडिओ वाहिन्यांवरही प्रसारीत करण्यात यावे यासाठी केंद्र सरकारचे जोरदार प्रयत्न सुरु.
डाव्या बाजूच्या फेसबुक लाईकला क्लिक करायला विसरू नका.
सविस्तर वाचण्यासाठी येथे क्लिक करा ...

Friday, December 19, 2014

संक्षिप्त चालू घडामोडी 19 डिसेंबर 2014

  • मिस वर्ल्ड 2014 स्पर्धेत प्रसिद्ध अभिनेत्री व माजी मिस वर्ल्ड ऐश्‍वर्या रायला यशस्वी विश्‍वसुंदरी म्हणून सन्मानित करण्यात आले.
  • आशियाई क्रीडा स्पर्धेतील पदक नाकारण्याच्या अखिलाडूवृत्तीबाबत भारताची महिला बॉक्‍सर सरिता देवी हिच्यावर एक वर्षाची बंदी घालण्याचा निर्णय बुधवारी आंतरराष्ट्रीय बॉक्‍सिंग संघटनेने (एआयबीए) घेतला.
  • इन्चॉन आशियाई स्पर्धेत उपांत्य फेरीत पराभूत झाल्यानंतर सरिताने निषेध म्हणून ब्रॉंझपदक नाकारले होते. तिच्या या कृतीचे तीव्र पडसाद उमटले होते. त्याचाच एक भाग म्हणून "एआयबीए‘ने तिच्यावर ही कारवाई केली.
  • तिच्यावरील कारवाईचा कालावधी 1 ऑक्‍टोबर 2014 ते 1 ऑक्‍टोबर 2015 असा असेल. बंदीबरोबरच तिला 1 हजार स्विस फ्रॅंक्‍सचा दंडदेखील करण्यात आला आहे.
  • ‘केवायसी’ (नो युवर कस्टमर) नियमावलीचे उल्लंघन केल्याप्रकरणी रिझर्व्ह बँकेने खासगी क्षेत्रातील सर्वात मोठ्या आयसीआयसीआय आणि बँक ऑफ बडोदा यांना दंड केला आहे.
  • vistara-airlines-300x245 टाटा समूहाची गुंतवणूक असलेल्या ‘विस्तारा’ विमानसेवेला हवाई नियामक डीजीसीएने उड्डाण परवाना देण्याची घोषणा केली.
  • अर्ज केल्यापासून 9 महिन्यांनंतर कंपनीला हा परवाना मिळाला असून सिंगापूर एअरलाईन्सबरोबर संयुक्त उद्यम असलेली ही विमानसेवा सुरू करण्याचा मार्ग मोकळा झाला आहे.
  • जानेवारीच्या दुस-या आठवडयापासून ही सेवा सुरू होण्याची शक्यता आहे.
  • शासकीय औषध निर्माण महाविद्यालय, कराड (1964 ते 2014) यंदा आपले सुवर्ण महोत्सवी वर्ष साजरे करत आहे.
  • नववर्षापासून घरगुती गॅस ग्राहकांना मिळणारे अनुदान थेट बँकेत जमा होणार आहे. यासाठी ग्राहकांना गॅस वितरकाकडून ‘एलपीजी’ बाजारभावाने खरेदी करावा लागणार आहे.
  • देशभरातील 429 खाणी कोल इंडिया लिमिटेडच्या अखत्यारीमध्ये आहेत.
  • यामध्ये महाराष्ट्रातल्या 53 खाणींचाही समावेश आहे.
  • कोल इंडियाच्या सर्वाधिक म्हणजे 135 खाणी झारखंडमध्येच आहेत. तर सर्वात कमी म्हणजे फक्त 4 खाणी  आसाममध्ये आहेत.
  • कोल इंडियाच्या 27 खाणींमध्ये खननकार्य अद्याप  सुरु झालेले नाही. त्यामध्ये महाराष्ट्रातील 8 खाणींचा समोवश आहे. त्याचबरोबर पश्चिम बंगालमधील 5, झारखंडमधील 3, छत्तीसगडमध्ये  7, ओडिशातील 4 खाणींचा समावेश आहे.
  • फ्रान्सचा विश्‍वकरंडक विजेत्या संघातला स्ट्रायकर आणि इंग्लिश प्रिमियर लीगमधील आर्सेनेलचा फुटबॉलपटू थिएरी हेन्‍री याने आंतरराष्ट्रीय फुटबॉलमधून निवृत्त होत असल्याची घोषणा केली आहे.
  • एकेकाळी ब्रिटनचे माजी पंतप्रधान विन्स्टन चर्चिल यांचे कार्यालय असलेल्या युनायटेड किंगडममधील प्राचीन ओल्ड वॉर ऑफिसची इमारत हिंदुजा समूहाने नुकतीच विकत घेतली.
  • शिवसेनाप्रमुख बाळासाहेब ठाकरे यांचा संघर्षमय झंझावात आता  "बाळकडू" या नावाने मोठ्या पडद्यावर साकारत आहे.
  • चालू वर्षातील 100 सर्वोत्तम पुस्तकांच्या यादीत भारतीय वंशाचे अमेरिकी डॉक्टर आणि लेखक अतुल गावंडे आणि इतिहासकार रामचंद्र गुहा यांच्यासह पाच लेखकांचा समावेश करण्यात आला आहे.
  • गावंडे यांच्या 'बीइंग मॉर्टल : मेडिसिन अँड व्हॉट मॅटर्स इन द एंड' या पुस्तकाला न्यूयॉर्क टाइम्सच्या लेखकांच्या यादीत 'नॉन फिक्शन' विभागात दुसरे स्थान मिळाले आहे.
  • आधुनिक वैद्यकाच्या भूमिकेला आव्हान देणारे हे लेखन आहे. 'वयाबरोबर येणारे दौर्बल्य, गंभीर आजार आणि समीप येणाऱ्या मृत्यूबरोबर राहणे शक्य करणारे माध्यम,' असे न्यूयॉर्क टाइम्सने या पुस्तकाच्या परीक्षणात नोंदवले आहे.
  • लेखक रामचंद्र गुहा यांच्या 'गांधी बिफोर इंडिया' या पुस्तकाचा समावेशही यादीत करण्यात आला आहे.
  • दिल्ली येथे जन्मलेले भारतीय वंशाचे अमेरिकी लेखक अखिल शर्मा यांच्या 'फॅमिली लाइफ' या आत्मकथनात्मक कादंबरीलाही कादंबरी व पद्य विभागात स्थान मिळाले आहे.
  • भारतीय वंशाचे अमेरिकी लेखक विक्रम चंद्रा यांच्या 'गीक सब्लाइम : द ब्युटी ऑफ कोड, द कोड ऑफ ब्युटी' या पुस्तकाचा समावेश या यादीत आहे. कला आणि तंत्रज्ञान यांचा संगम त्यांनी पुस्तकात साधला आहे.
    11 सप्टेंबरच्या दहशतवादी हल्ल्यानंतरच्या अमेरिकेचे चित्र रंगवणारे आनंद गिरिधरदास यांच्या 'द ट्रू अमेरिकन : मर्डर अँड मर्सी इन टेक्सास' या पुस्तकाचा समावेशही यादीत करण्यात आला आहे.
डाव्या बाजूच्या फेसबुक लाईक ला क्लिक करून आपल्याला आवडल्याची दाद द्यायला विसरू नका.
सविस्तर वाचण्यासाठी येथे क्लिक करा ...

Thursday, December 18, 2014

सामान्य ज्ञान प्रश्नमंजुषा- 106


1051. भारतीय घटनेत सुरूवातीला किती कलमे होती ?indian constitution

A. 6
B. 8
C. 10
D. 12


Click for answer

B. 8
1052. देशात आर्थिक आणीबाणी कोणत्या कलमानुसार जारी केली जाते ?

A. कलम 356
B. कलम 360
C. कलम 365
D. कलम 368


Click for answer

B. कलम 360
1053. भारत सरकारला कायदेविषयक सल्ला कोण देतो ?

A. कायदामंत्री
B. राष्ट्रपती
C. सरन्यायाधीश
D. लोकसभा सभापती


Click for answer

C. सरन्यायाधीश
1054. भारतात खरी कार्यकारी सत्ता कोणाकडे असते ?

A. भारतातील सनदी अधिकारी
B. भारताचे राष्ट्रपती आणि उपराष्ट्रपती
C. पंतप्रधान आणि मंत्रिमंडळ
D. भारताचे सर्वोच्च न्यायालय


Click for answer

C. पंतप्रधान आणि मंत्रिमंडळ
1055. राज्यसभा लोकसभेने मंजूर केलेले अर्थविधेयक किती काळापर्यंत रोखून ठेवू शकते ?

A. 14 दिवस
B. एक महिना
C. चार महिना
D. एक वर्ष


Click for answer

A. 14 दिवस
1056. विधानसभेत कमाल किती सदस्य असतात ?

A. 250
B. 270
C. 350
D. 500


Click for answer

D. 500
1057. केंद्र-राज्य विवाद खालीलपैकी कोणत्या संस्थेकडून सोडविले जातात ?

A. उच्च न्यायालय
B. नियोजन मंडळ
C. आंतरराज्यीय परिषद
D. यापैकी कोणी नाही


Click for answer

D. यापैकी कोणी नाही
1058. राज्यपालाचा कार्यकाळ सामान्यतः किती असतो ?

A. कायम
B. 5 वर्षे
C. 6 वर्षे
D. 10 वर्षे


Click for answer

B. 5 वर्षे
1059. भारताने घटनादुरुस्तीची पध्दत कोणत्या देशाकडून घेतली ?

A. अमेरिका
B. दक्षिण आफ्रिका
C. कॅनडा
D. आयर्लंड


Click for answer

B. दक्षिण आफ्रिका
1060. भारतात केंद्रीय वित्त आयोगाची स्थापना दर किती वर्षांनी केली जाते ?

A. 3 वर्षे
B. 4 वर्षे
C. 5 वर्षे
D. 6 वर्षे


Click for answer

C. 5 वर्षे
सविस्तर वाचण्यासाठी येथे क्लिक करा ...

संक्षिप्त चालू घडामोडी 18 डिसेंबर 2014

  • IMG_90906867867428 भारतीय प्रक्षेपकातून अंतराळात मानव पाठविण्याच्या दिशेने भारतीय अंतराळ संशोधन संस्थेने (इस्रो) गुरुवारी 18 डिसेंबर 2014 रोजी यशस्वी पाऊल टाकले.
  • आतापर्यंतच्या सर्वाधिक वजनाच्या यानाने गुरुवारी श्रीहरीकोटा येथून यशस्वीपणे उड्डाण केले आणि इस्रोने भारतीय अंतराळ संशोधनाच्या क्षेत्रात नवा इतिहास लिहिला.
  • तब्बल 630 टन वजनाच्या जीएसएलव्ही मार्क-3 या यानाने गुरुवारी सकाळी यशस्वीपणे उड्डाण केले.
  • प्रयोग म्हणून करण्यात आलेल्या उड्डाणाने पहिल्याच प्रयत्नात यश संपादन केले.
  • सतीश धवन अंतराळ केंद्रातील प्रक्षेपक तळावरून गुरुवारी सकाळी नऊ वाजता या यानाने अंतराळाच्या दिशेने झेप घेतली. या प्रायोगिक उड्डाणामध्ये इस्रोने या स्वरुपाच्या उड्डाणासाठी लागणाऱया सर्व चाचण्या घेतल्या. या सर्व चाचण्या यशस्वीपणे पूर्ण झाल्याचे इस्रोने म्हटले आहे.
  • गुरुवारी झालेले उड्डाण मानवरहित होते.
  • पंतप्रधान नरेंद्र मोदी यांनी सुरू केलेल्या संसद आदर्श ग्राम योजनेअंतर्गत केंद्रीय अर्थमंत्री अरुण जेटली यांनी गुजरातमधील वडोदरा जिल्ह्यातील कर्नाली पंचायतीअंतर्गत येणारी येणारी कर्नाली, पिपालीया, वादिया आणि बागलीपुरा ही चार गावे दत्तक घेतली आहे.
  • पेशावरमधील शाळेत तालिबानी दहशतवाद्यांनी हल्ला केल्यानंतर जागे झालेल्या पाकिस्तान सरकारने मृत्युदंडाच्या शिक्षेवर असलेली बंदी उठविली आहे.
  • चर्च ऑफ इंग्लंडने परंपरा मोडत एका महिलेची बिशपपदी नेमणूक केली. रेवरंड लिबी लेन (वय 48) असे या पहिल्या महिला बिशपचे नाव असून, त्यांची स्टॉकपोर्ट येथे बिशपपदी नियुक्ती करण्यात आली आहे.
  • अर्थविवंचनेत असलेल्या 'स्पाइसजेट' हवाई प्रवास कंपनीची सेवा इंधनाअभावी ठप्प पडली आहे.. तेल कंपन्यांनी उधारीवर इंधन पुरविण्यास नकार दिल्याने स्पाइसजेटच्या एकाही विमानाचे उड्डाण होऊ शकलेले नाही.
  • अमेरिकेतील भारतीय महिलांसाठी प्रथमच न्यूजर्सी येथे आयोजित करण्यात आलेल्या सौंदर्य स्पर्धेत पुण्याची नमिता दोडवाडकर "मिसेस इंडिया यूएसए' या मुकुटाची मानकरी ठरल्या आहेत.
  • थोरियम इंधनावर चालणारी आणि पूर्णपणे स्वदेशी बनावटीच्या ऍडव्हान्स हेवी वॉटर अणुभट्टीची उभारणी महाराष्ट्रातील तारापूर येथे होईल.
    2016 पर्यंत स्थापना कार्य पूर्ण होईल आणि 2020 पर्यंत ही अणुभट्टी पूर्णतः कार्यान्वित होईल.
  • नासाच्या मार्स रोव्हर क्युरिऑसिटीने प्रथमच मंगळावर कार्बनी रेणू असल्याचा पुरावा दिला आहे. सेंद्रिय रेणू हे कुठल्याही ग्रहावरील सजीवांचा मूळ घटक असतात.
  • सोनी पिक्‍चर्स कंपनीवर नुकत्याच झालेल्या मोठ्या सायबर हल्ल्यामध्ये जेम्स बॉंड मालिकेमधील "स्पेक्‍टर' या आगामी चित्रपटाचे प्राथमिक कथानक चोरीस गेल्याचे निष्पन्न झाले आहे.
  • अप्रत्यक्ष करांचे जाळे सुटसुटीत करून केंद्राच्या महसुलात अधिकाधिक वाढ करण्याच्या उद्देशाने प्रस्तावित करण्यात आलेल्या वस्तू व सेवा कराला (जीएसटी) अखेरीस केंद्रीय मंत्रिमंडळाची मान्यता मिळाली. संसदेच्या हिवाळी अधिवेशनातच यासंदर्भातील सुधारित विधेयकाला मंजुरी मिळवून घेण्याचे आता केंद्र सरकारचे पुढचे लक्ष्य असेल. 1 एप्रिल 2016 पासून देशभरात जीएसटीची अंमलबजावणी करण्याचा केंद्र सरकारचा इरादा आहे
    केंद्रीय मंत्रिमंडळाने मंजुरी दिल्याने आता संसदेतही या विधेयकाला मंजुरी मिळण्याची शक्यता आहे. जीएसटीमुळे केंद्रीय पातळीवर उत्पादन शुल्क व सेवा कर तर राज्य पातळीवर मूल्यवर्धित कर (व्हॅट) व स्थानिक कर रद्दबातल ठरतील. राज्यांच्या आग्रहामुळे पेट्रोलियम पदार्थावरील कर जीएसटीच्या कक्षेत न आणण्याचे केंद्राने मान्य केले आहे. मात्र, त्याबदल्यात राज्यांना प्रवेश करांवर पाणी सोडावे लागणार आहे.
  • विधीमंडळाचं हिवाळी अधिवेशन २४ डिसेंबरपर्यंत चालणार असल्याची माहिती कामकाज समितीने दिली आहे.
  • स्थानिक उत्पादनांना प्रोत्साहन देत कमीतकमी गुंतवणुकीमध्ये रोजगाराच्या संधी निर्माण करून देण्यासाठी अरुणाचल प्रदेशच्या भारतीय जनता पक्षाने "नमो इंडिया‘ या प्रकल्पाचे उद्‌घाटन केले.
आम्ही परीक्षांच्या दृष्टीने महत्त्वाचे तेवढेच सादर करतो. आशा आहे आपल्याला हे आवडेल.
आवडल्यास डाव्या बाजूच्या फेसबुक लाईकला क्लिक करा.
सविस्तर वाचण्यासाठी येथे क्लिक करा ...

Wednesday, December 17, 2014

संक्षिप्त चालू घडामोडी 17 डिसेंबर 2014

  • दहशतवादाविरोधात पहिले पाऊल उचलत भारताने ‘इसिस’ या दहशतवादी संघटनेवर प्रतिबंध घातल्याचे जाहीर केले.
  • national-health-portalआरोग्य आणि कुटुंब कल्याण मंत्रालयाने नवीन "राष्ट्रीय आरोग्य पोर्टल" सुरु केले आहे. http://nhp.gov.in  या संकेतस्थळावरुन  नागरिकांना आरोग्यविषयक अधिकृत माहिती मिळू शकेल.
  • वैद्यकीय शिक्षण, वैद्यकीय व्यावसायिक संशोधक याविषयी सर्व माहिती  पोर्टलवर उपलब्ध आहे.
  • केंद्रीय  आरोग्यमंत्री: जे.पी. नड्डा
  • ग्लोबल फायनान्शियल इंटेग्रिटी या थिंक टॅंकने अभ्यासांती जाहीर केलेल्या अहवालानुसार 2012 मध्ये काळा पैसा परदेशात ठेवणाऱ्यांच्या यादीमध्ये रशियाचा पहिला क्रमांक लागतो.
  • या यादीत चीन दुसऱ्या स्थानावर असून भारताचा तिसरा क्रमांक लागतो.
  • कृषि तंत्रज्ञान व्यवस्थापन योजनेची अंमलबजावणी 29 राज्ये आणि 3 केंद्रशासित प्रदेशातील 640 जिल्हयांमध्ये करण्यात येत आहे.
  • उद्योगपती अनिल अंबानी नेतृत्व करत असलेला रिलायन्स समूह मल्टीप्लेक्स व्यवसायातून बाहेर पडला आहे. अनिल अंबानी यांनी मल्टीप्लेक्स व्यवसाय दक्षिण भारतातील कार्निवल ग्रुपला विकला आहे.
  • सिडनीतील 'लिंट चॉकलेट कॅफे'मध्ये गेल्या 16 तासांहून अधिक वेळ चाललेले ओलीसनाटय़ अखेर संपुष्टात आले. भारतीय प्रमाणवेळेनुसार रात्री साडेनऊ वाजता ऑस्ट्रेलियन पोलिसांनी ओलीस ठेवणाऱ्या हरून मोनिसला अटक केली आणि 15 ओलिसांची सुटका केली
  • "स्वच्छ भारत अभियान" आणि "गंगा शुध्दीकरण" या दोन्ही मोहिमांना सीएसआर अर्थात कॉर्पोरेट सामाजिक जबाबदारी कार्यक्रमामध्ये 24 ऑक्टोबर 2014 पासून समाविष्ट करण्यात आले आहे,
    कंपनी कायदा 2013 कलम सात  अन्वये कॉर्पोरेट कंपन्यांच्या सामाजिक जबाबदारीचे धोरण निश्चित करण्यात आले असून हा नियम 1 एप्रिल 2014 पासून लागू करण्यात आला आहे.
  • त्यामुळे सीएसआर अर्थात कॉर्पोरेट सामाजिक जबाबदारीचे हे पहिलेच वर्ष आहे. यासंदर्भात कंपन्या नेमका किती खर्च करतात, याविषयीची माहिती उघड करण्याचे कलम आता नवीन कायद्यात समाविष्ट करण्यात आले आहे.
  • 17 डिसेंबरला भूतान राष्ट्रीय दिन साजरा करणार आहे.
  • येत्या 25 डिसेंबर रोजी 90वा वाढदिवस साजरा करणारे माजी पंतप्रधान अटल बिहारी वाजपेयी यांना ‘भारतरत्न’ हा देशातील सर्वोच्च नागरी पुरस्कार जाहीर होण्याची शक्यता आहे.
आम्ही परीक्षांच्या दृष्टीने महत्त्वाचे तेवढेच सादर करतो. आशा आहे आपल्याला हे आवडेल.
आवडल्यास डाव्या बाजूच्या फेसबुक लाईकला क्लिक करा.
सविस्तर वाचण्यासाठी येथे क्लिक करा ...

Tuesday, December 16, 2014

संक्षिप्त चालू घडामोडी 16 डिसेंबर 2014

  • ऑस्ट्रेलियातील सिडनी येथे एका कॅफेमध्ये 13 नागरिकांना बंदुकीच्या धाकाने ओलीस म्हणून ठेवण्यात आले आहे. सुटकेसाठी पोलीसांचे बचावकार्य सुरू.
  • टपाल खात्याला पोस्टल बँक ऑफ इंडिया सुरू करण्यासाठी परवानगीindian post देण्याची शिफारस माजी कॅबिनेट सचिव टीएसआर सुब्रह्मण्यम यांच्या अध्यक्षतेखालील एका उच्चस्तरीय समितीने केली आहे.
  • समितीने पत्राचे वाटप वगळता टपाल विभागाला इतर सर्व कामांपासून वेगळे करण्याचा सल्ला दिला आहे.
  • सध्या देशात 3000च्या आसपास टपाल कार्यालये आहेत. ही सर्व कार्यालये कोअर बँकिंग प्रणालीने जोडण्याच्या महत्त्वाकांक्षी योजनेवर सध्या काम सुरू आहे.
  • याशिवाय टपाल कार्यालयांत एटीएम लावण्याची योजनादेखील प्रगतिपथावर असून लवकरच अशा स्वरूपाच्या सुमारे 300 पोस्ट कार्यालयांत एटीएम कार्यरत केले जाणार आहेत.
  • नोव्हेंबर महिन्यातील घाऊक किंमत निर्देशांकावर आधारित चलनवाढीचा दर शून्यावर आला आहे.
  • हा गेल्या पाच वर्षातील निचांक आहे.
  • एचडीएफसी सिक्युरिटीजने आज इच्छापत्र लिहिण्याची इलेक्ट्रॉनिकhdfc सुविधा उपलब्ध करून दिली आहे. देशातील ही अशा प्रकारची पहिलीच सुविधा आहे.
  • यामुळे सर्वसामान्यांना सुरक्षितरीत्या ऑनलाइन ई-विल अगदी सहज आणि सहज तयार करता येणार आहे.
  • किरकोळ क्षेत्रातील सूक्ष्म, लघु आणि मध्यम उद्योगांना प्रोत्साहन देण्यासाठी राष्ट्रीय लघुउद्योग महामंडळाने "ई-कॉमर्स पोर्टल" तयार केले आहे. या पोर्टलचे संकेतस्थळ www.msmeshopping.com असे आहे.
  • या संकेतस्थळावर ऑनलाईन नोंदणी, बहु उत्पादन खरेदी, ग्राहकांना मदतनीस ठरणारे कॉलसेंटर, आकर्षक उत्पादने तसेच शुल्क भरून सदस्यता घेणे अशा सोयीसुविधा उपलब्ध आहेत.
  • जपानचे पंतप्रधान शिन्झो अ‍ॅबे यांची पंतप्रधानपदी पुन्हा निवड.
  • हॉकी चॅम्पियन्स ट्रॉफीच्या अंतिम सामन्यात जर्मनीने पाकिस्तानवर 2-0 अशी मात करत विजेतेपदावर नाव कोरले.
  • चॅम्पियन्स ट्रॉफीमध्ये ऑस्ट्रेलियाकडून भारताचा 2-1 असा पराभव, ऑस्ट्रेलियाला कांस्य पदक, भारत चौथ्या स्थानी.
  • देशामधल्या आठ रेल्वे स्थानकांवर "आर ओ" पाणी उपलब्ध करुन देण्यात येणार आहे. हा प्रकल्प प्रायोगिक तत्त्वार राबविण्यात  येणार आहे.
  • या प्रकल्पासाठी भोपाळ, द्वारका, गदग, गुवाहाटी, हजरत  निजामुद्दिन, मदुराई, पाटणा आणि तिरुपती या स्थानकांची  निवड करण्यात आली आहे.
  • त्याचबरोबर "आर.ओ" मुळे पाणी वाया जाण्याचे प्रमाण जास्त असते, या गोष्टींचा विचार करुन प्रारंभी फक्त आठ रेल्वे स्थानकांवर "आर.ओ." बसवण्यात येणार
  • वाघांचे राज्य ही बिरूदावली मध्यप्रदेशने गमावलेली असताना आता मात्र तेथे 288 वाघ आहेत.
  • आताच्या आकडेवारीनुसार कान्हा 72, बांधवगड 45, पेंच 45, पन्ना 30, संजय गांधी व्याघ्रअभयारण्य 10 याप्रमाणे वाघांची संख्या आहे.
  • राष्ट्रीय विज्ञान संग्रहालय मंडळाने आसामातील गुवाहाटी येथे विज्ञान शहर विकसित केले असून आता लवकरच या प्रकल्पाचे राज्य शासनाकडे हस्तांतर करण्यात येणार आहे.
  • केंद्रीय सांस्कृतिक मंत्रालयाच्या अंतर्गत कार्यरत असणाऱ्या राष्ट्रीय विज्ञान संग्रहालय मंडळ या स्वायत्त संस्थेमार्फत देशात आठ ठिकाणी नव्याने विज्ञान शहरे वसविण्यात येणार आहेत.
  • खात्याकडे हरयाणातील सांपळा येथे, कर्नाटकातील बेंगळुरू येथे तर तेलंगणाची निर्मिती होण्यापूर्वी आंध्र प्रदेशातील हैदराबाद येथे विज्ञान शहर उभे करण्याचे प्रस्ताव आले आहेत. त्याचबरोबर बिहारमधील पाटणा येथे, ओडिशा येथील भुवनेश्वर शहरात आणि छत्तीसगडमधील कुम्हारी येथे विज्ञान शहरे उभे करण्याचे प्रस्ताव आले आहेत.
  • त्यामध्ये महाराष्ट्रात नवी मुंबई आणि नागपूर येथील प्रस्तावांचाही समावेश आहे.
  • कोणत्याही सरकारी बैठकीला येणाऱ्या भारतीय पोलीस सेवेसह अन्य संबंधित सेवामधील वरिष्ठ अधिकाऱ्यांना 'एस्कॉर्ट' करण्यासाठी कनिष्ठ पोलीस अधिकाऱ्यांचा ताफा वापरण्यासारख्या ब्रिटिशकालीन प्रथा बंद करा, असे आदेश केंद्र सरकारने पोलिसांना दिले आहेत.
  • मायकल अ‍ॅडम्सला पराभूत करत विश्वनाथ आनंदने लंडन क्लासिक ही बुद्धीबळ स्पर्धा जिंकली आहे.
  • आशियाई क्रीडा स्पर्धेत सुवर्णपदक मिळविणाऱ्या जितू राय याने अपेक्षेप्रमाणे 50 मीटर पिस्तूलमध्ये सुवर्णपदक जिंकले आणि 58 व्या राष्ट्रीय नेमबाजी स्पर्धेत शानदार कामगिरी केली. त्याने सांघिक विभागातही सुवर्णपदक जिंकून डबल धमाका केला.
  • चंडीगडच्या "रॉक गार्डन"चे शिल्पकार: नेक चंद सैनी
  • कार्बन उत्सर्जनावर मर्यादा आणताना विकसित राष्ट्रांच्या तुलनेत विकसनशील राष्ट्रांवर अन्याय करणारा वातावरणीय कराराचा मसुदा मान्य करण्यात आला आहे. अधिक न्याय्य संधी देणाऱ्या नव्या मसुद्यावर अखेर एकमत झाले. पेरू मधील लिमा येथे सुरू असलेल्या 'सीओपी २० वातावरणीय बदल परिषदे'ची रविवारी सांगता झाली. तब्बल दोन आठवडे चाललेल्या या परिषदेत घमासान चर्चा झाली. अखेर भारतासह अन्य विकसनशील देशांच्या हितसंबंधांना बाधा न आणणाऱ्या, नव्या-महत्त्वाकांक्षी मसुद्यावर पुढील वर्षी पॅरिस येथे होणाऱ्या परिषदेत स्वाक्षऱ्या करण्यात येणार आहे
  • नव्या मसुद्यातील ठळक बाबी
    • समतेचे मूल्य अन् भिन्न जबाबदाऱ्यांच्या तत्त्वास मान्यता.  पर्यावरणस्नेही तंत्रज्ञान विकसित करण्यास, त्याचे हस्तांतर करण्यास आणि क्षमता विकसित करण्यास विकसनशील देशांना सहकार्य करण्याची जबाबदारी विकसित देशांवर.
    • विकसित राष्ट्रांना वातावरणीय करारातील उद्दिष्ट साध्य करताना मदत म्हणून तयार करण्यात येणाऱ्या 'ग्रीन क्लायमेट फंड'ची मर्यादा 10 अब्ज डॉलर
  • हवामान बदलाचा पर्यावरण संरक्षण आणि कोरल रिफवर होणारा परिणाम यावर प्रकाशझोत टाकण्याच्या उद्देशाने पोर्ट ब्लेअर येथे पाच दिवसीय कार्यशाळेचे आयोजन करण्यात आले आहे.
  • सार्क देशाच्या अनेक शास्त्रज्ञांनी आज या कार्यशाळेत आपला सहभाग नोंदवला. भारत, बांग्लादेश, मालदीव आणि श्रीलंका या देशातील शास्त्रज्ञ या कार्यशाळेत सहभागी झाले असून येत्या 19 तारखेपर्यंत ही कार्यशाळा सुरू राहणार आहे.
  • भारताच्या प्रमुख अशा एनआयओ अर्थात राष्ट्रीय महासागरविज्ञान संस्थेच्या वतीने या कार्यशाळेचे आयोजन करण्यात आले आहे.

PTI12_3_2014_000047Bआपल्याला पोस्ट आवडल्यास डाव्या बाजूला असलेले फेसबुक लाईक वर क्लिक करा

आपली शिफारस आम्हाला नव्या उत्साहाने काम करण्याची प्रेरणा देते.

सविस्तर वाचण्यासाठी येथे क्लिक करा ...

Monday, December 15, 2014

सामान्य ज्ञान प्रश्नमंजुषा- 105



1041. कोणत्या साली गोव्यामध्ये पोर्तुगीजांनी आपली सत्ता स्थापन केली ? general-knowledge-quiz

A. सन 1500
B. सन 1510
C. सन 1520
D. सन 1530


Click for answer

B. सन 1510
1042. ब्रिटीश ईस्ट इंडिया कंपनीची स्थापना कोणत्या वर्षी झाली ?

A. सन 1500
B. सन 1550
C. सन 1600
D. सन 1650


Click for answer

C. सन 1600
1043. प्लासीची लढाई ______________ रोजी झाली.

A. 23 जानेवारी 1757
B. 23 जून 1757
C. 23 जून 1758
D. 31 मार्च 1751


Click for answer

B. 23 जून 1757
1044. वसईचा प्रसिध्द तह कोणत्या वर्षी घडून आला ?

A. सन 1801
B. सन 1802
C. सन 1803
D. सन 1818


Click for answer

B. सन 1802
1045. तैनाती फौज भारतात कोणी सुरू केली ?

A. अकबर
B. औरंगजेब
C. लॉर्ड वेलस्ली
D. लॉर्ड कॉर्नवालीस


Click for answer

C. लॉर्ड वेलस्ली
1046. सतीबंदीचा कायदा कोणत्या वर्षी पास झाला ?

A. सन 1829
B. सन 1859
C. सन 1929
D. सन 1959


Click for answer

A. सन 1829
1047. विधवा पुर्नविवाहाचा कायदा कधी पास झाला ?

A. सन 1926
B. सन 1936
C. सन 1946
D. सन 1956


Click for answer

D. सन 1956
1048. इंग्रजांनी भारतातील पहिली वखार कोठे उभारली ?

A. चंद्रनगर
B. सुरत
C. कराची
D. मुंबई


Click for answer

B. सुरत
1049. कोणत्या साली भारतात विद्यापीठ कायदा पास झाला ?

A. सन 1834
B. सन 1864
C. सन 1894
D. सन 1904


Click for answer

D. सन 1904
1050. भारतात येणारे पहिले युरोपियन कोण ?

A. इंग्रज
B. फ्रेंच
C. डच
D. पोर्तुगीज


Click for answer

D. पोर्तुगीज
सविस्तर वाचण्यासाठी येथे क्लिक करा ...

संक्षिप्त चालू घडामोडी 15 डिसेंबर 2014

  • महाराष्ट्रातील ऊसतोड कामगारांच्या कल्याणासाठी ‘गोपीनाथ मुंडे ऊसतोड कामगार मंडळा’ची स्थापन करण्यात येत असल्याची घोषणा मुख्यमंत्री देवेंद्र फडणवीस केली आहे.
  • पंजाबमधील घुमानमध्ये होणा-या 88व्या अखिल भारतीय मराठी साहित्य संमेलनाच्या अध्यक्षपदी डॉ. सदानंद मोरे यांची निवड झाली आहे.
  • दिल्ली पाठोपाठ हैदराबादने उबेरच्या टॅक्सी सेवेवर बंदी घातली आहे.
  • गोव्यातील ‘जनशिक्षण संस्थान, गोवा’ या संस्थेला ‘क्वालिटी ब्रँड्स इंडिया’ हा मानाचा आणि प्रतिष्ठेचा राष्ट्रीय सन्मान प्राप्त झाला आहे.
  • राष्ट्रपती प्रणव मुखर्जी यांच्या हृदयावर लष्करी रुग्णालयात करण्यात आलेल्या अँजिओप्लास्टी शस्त्रक्रियेनंतर त्यांची प्रकृती स्थिर आहे.
  • पुणे विद्यापीठाचे नामकरण क्रांतीज्योती सावित्रीबाई फुले असे झाले आहे. शुक्रवारी त्यावर शिक्कामोर्तब झाले. महाराष्ट्र विद्यापीठ सुधारणा विधेयक विधान परिषदेत एकमताने मंजूर करण्यात आल्याची घोषणा विधान परिषद सभापती शिवाजीराव देशमुख यांनी केली.
  • केंद्रीय गुप्तचर विभागाच्या (इंटेलिजेंस ब्यूरो) प्रमुखपदी भारतीय पोलिस सेवेतील वरिष्ठ अधिकारी दिनेश्‍वर शर्मा यांची नियुक्ती करण्यात आली आहे. शर्मा हे 1979 च्या केरळ केडरचे अधिकारी आहेत. ते सय्यद असिफ इब्राहिम यांची जागा घेणार.
  • भारतीय वैद्यकीय परिषद नियंत्रण कायद्यात सुधारणा केली आहे. या अंतर्गत डॉक्टरांना कॅपिटल लिपीत प्रिस्क्रिप्शन सक्तीचे केले आहे.
  • नोकियाचा प्रमुख पुरवठादार असलेल्या फॉक्सकॉनने 24 डिसेंबरपासून चेन्नई प्रकल्पातील उत्पादन थांबवण्याचे सूचित केले आहे.
  • 2020 पर्यंत देशातील सर्व जन्म आणि मृत्यूंची नोंद करण्याचे महत्त्वाकांक्षी परंतु, आव्हानात्मक ध्येय भारताने स्पष्ट केले आहे. चार वर्षापूर्वी संयुक्त राष्ट्रांनी आशिया-पॅसिफिक भागाला जे लक्ष्य दिले आहे, त्याचाच हा भाग आहे.
  • वरिष्ठ आयपीएस अधिकारी अनिल कुमार सिन्हा यांची सीबीआयच्या संचालकपदी नियुक्ती करण्यात आली आहे.
  • सुप्रसिद्ध विधीतज्ञ आणि सर्वोच्च न्यायालयाचे माजी न्यायमूर्ती व्ही.आर.कृष्णा अय्यर यांचे नुकतेच निधन झाले. ते 100 वर्षाचे होते. गेल्या 24 नोव्हेंबरपासून त्यांच्यावर कोची येथील एका रुग्णालयात उपचार सुरु होते. गेल्याच महिन्यात त्यांनी आपला 100वा वाढदिवस साजरा केला होता.
  • त्यांच्याविषयी आम्ही गेल्या पोस्टमध्ये सविस्तर माहिती दिली होती. ते पोस्ट पाहण्यासाठी येथे क्लिक करा.
  • देशात 13 डिसेंबर 2014 रोजी झालेल्या राष्ट्रीय लोक अदालतींमध्ये 1.25 कोटी प्रलंबित खटले निकाली निघाले आहेत.
  • एकाच दिवसात कोटय़वधी खटले निकाली निघाल्याने याचिकादारांचे खटल्यावर होणारे तीन हजार कोटी रुपये वाचले आहेत.
  • 2013 मध्ये पहिल्या राष्ट्रीय लोक अदालतीत 71 लाख याचिका निकाली काढल्या होत्या.
  • 2019पर्यंत देशातील प्रत्येक घराला दररोज 24 तास वीज पुरवठा देण्यासाठी प्रयत्न करु असे केंद्रीय उर्जामंत्र्यांनी स्पष्ट केले आहे.
  • विविध राज्य अर्थमंत्र्यांच्या बैठकीतील चर्चा  पुन्हा निष्फळ ठरल्याने केंद्र सरकारकडून एक एप्रिल 2016पासून वस्तू आणि सेवाकर (जीएसटी) लागू करण्याच्या प्रयत्नांना सुरुंग लागला.
  • राज्य अर्थमंत्र्यांच्या उच्चाधिकार समितीच्या (ईसीएसएफ) बैठकीत पेट्रोलियम पदार्थ जीएसटीच्या कार्यक्षेत्रात आणण्याच्या निर्णयाला राज्यांनी कडाडून विरोध दर्शवला. घटनात्मक सुधारणा विधेयकामध्ये जीएसटी सुरू झाल्यानंतर पाच वर्षानी राज्यांना महसुली नुकसानभरपाईची तरतूद नसल्याबाबतही त्यांनी जोरदार आक्षेप नोंदवला.
  • जनधन योजने’बाबत बँकांना सावधानतेचा थेट इशारा देणा-या रिझव्र्ह बँकेच्या रघुराम राजन यांनी पुन्हा एकदा पंतप्रधान नरेंद्र मोदी यांच्या ‘मेक इन इंडिया’ च्या विरोधात मत प्रदर्शित केले आहे.
    उत्पादन क्षेत्रासारख्या एखाद्याच क्षेत्राला प्रोत्साहन देण्याबाबत आपल्याला चिंता वाटत आहे.
  • अशा प्रकारचे धोरण चीनमध्ये यशस्वी झाले असले तरी भारतातील स्थिती पूर्णत: वेगळी आहे. तसेच ती वेगळय़ा काळात आकारास येत आहे. अशा स्वरूपाचे मत त्यांनी मांडले आहे.
  • देशात एचआयव्हीची लागण होण्याचे प्रमाण 57 टक्क्यांनी कमी झाले आहे. तसेच गेल्या दशकात या आजारामुळे मृत्यू होण्याचे प्रमाण 25 टक्क्यांनी घटले आहे.
  • एचआयव्ही रुग्णांसाठी 1097 हा हेल्पलाइन क्रमांक सुरू करण्यात आला आहे.
  • भारतात 1986 मध्ये पहिला एड्सचा रुग्ण सापडला.
  • जमिनीवरुन जमिनीवर मारा करणा-या अणवस्त्रवाहू ‘अग्नि-4’ क्षेपणास्त्राची मंगळवारी यशस्वी चाचणी घेण्यात आली.चार हजार कि.मी. पर्यंतच्या लक्ष्याचा अचूक वेध घेण्याची या क्षेपणास्त्राची क्षमता आहे. हे क्षेपणास्त्र एक टन वजनापर्यंतचे अणवस्त्र वाहून नेऊ शकते. संरक्षण संशोधन आणि विकास संस्थेने (डीआरडीओ) हे क्षेपणास्त्र विकसित केले आहे. याचे वजन 17 टन असून लांबी 20 मीटर आहे.
  • 'अग्नि-4’ क्षेपणास्त्राची आज ही चौथी यशस्वी चाचणी पार पडली. याआधी नोव्हेंबर 2011 , सप्टेंबर 2012 आणि जानेवारी 2014 मध्ये यशस्वी चाचणी घेतल्यानंतर या क्षेपणास्त्राचा लष्करात समावेश करण्यात आला होता.
  • भारताच्या जीसॅट-16या दळणवळण उपग्रहाचे फ्रेंच गयाना येथील कोरु अंतराळ संशोधन केंद्राच्या तळावरुन 7 डिसेंबर 2014 रोजी पहाटे यशस्वी प्रक्षेपण करण्यात आले. फ्रेंच गयानातून पाच डिसेंबर रोजी हा उपग्रह सोडण्यात येणार होता. मात्र खराब हवामानामुळे उपग्रहाचे प्रक्षेपण सात डिसेंबरपर्यंत लांबणीवर टाकण्यात आले होते.
  • lokadalatट्रान्सपरन्सी इंटरनॅशनल च्या नूतन अहवालानुसार गेल्या वर्षीच्या तुलनेत यावर्षी भारतात भ्रष्टाचाराचे प्रमाण कमी झाल्याचे स्पष्ट झाले आहे.
  • जगातील सर्वाधिक भ्रष्ट देशांच्या यादीत भारताचा 85 वा क्रमांक आहे. गेल्या वर्षी 175 भ्रष्ट देशांच्या यादीत भारत 94 व्या स्थानावर होता. मात्र गेल्या वर्षीच्या तुलनेत भारतात भ्रष्टाचाराचे प्रमाण कमी झाले असून भारताने यावर्षी नऊ देशांना मागे टाकले आहे.
  • डेन्मार्कने 92 गुण मिळवून या देशाने सर्वात कमी भ्रष्टाचार असलेला पहिला क्रमांक पटकावला आहे. तर सर्वाधिक भ्रष्टाचार उत्तर कोरिया आणि सोमालिया मध्ये होत असल्याचे या अहवालात स्पष्ट झाले आहे. या देशांना अवघे आठ गुण मिळाले.
  • भारताचा शेजारी राष्ट्र चीन गेल्यावर्षी 80व्या स्थानावर होता. तो चीन यावर्षी 100 व्या क्रमांकावर पोहचला आहे.

आपल्याला पोस्ट आवडल्यास डाव्या बाजूला असलेले फेसबुक लाईक वर क्लिक करा.
आपली शिफारस आम्हाला नव्या उत्साहाने काम करण्याची प्रेरणा देते.

सविस्तर वाचण्यासाठी येथे क्लिक करा ...

Sunday, December 14, 2014

संक्षिप्त चालू घडामोडी 14 डिसेंबर 2014

  • सिक्कीमचे मुख्यमंत्री पवन चामलिंग यांच्या मुख्यमंत्रिपदास वीस वर्षे पूर्ण.
  • सिक्कीम डेमॉक्रॅटिक पक्षाने 12 डिसेंबर 1994 मध्ये प्रथमच विधानसभेची निवडणूक जिंकली. तेव्हापासून झालेल्या सर्व निवडणुकीत या पक्षाने बाजी मारली आहे.
  • 2014 मध्ये झालेल्या निवडणुकीतही त्यांच्या पक्षाने पाचव्यांदा विजय मिळविला होता.
  • सलग वीस वर्षे मुख्यमंत्रिपद सांभाळणारे चामलिंग हे देशातील पहिले मुख्यमंत्री आहेत.
  • सर्व राज्ये आणि केंद्रशासित प्रदेशातील शेतकऱ्यांना दूरध्वनीवरून मदत उपलब्ध व्हावी यासाठी देशात 14 ठिकाणी केसीसी अर्थात किसान कॉल सेंटर स्थापन केले गेले आहेत.
  • केसीसी अंतर्गत देशभरात 18001801551 या टोल फ्री दूरध्वनी क्रमांकावरुन शेतकऱ्यांच्या समस्यांना उत्तर दिली जात आहे.
  • दररोज सकाळी 6 ते रात्री 10 या वेळेत मोबाईल अथवा इतर दूरध्वनीवरून या क्रमांकावर संपर्क साधला जात आहे.
  • केंद्रीय कृषी राज्यमंत्री मोहनभाई कुंदारिया
  • pandit malviyaशिक्षक आणि शिक्षणावर आधारित एक नवीन राष्ट्रीय योजना सुरू करण्याचे सरकारच्या विचाराधीन आहे. पंडित मदन मोहन मालवीया राष्ट्रीय अभियान असे याचे नावे आहे. या योजनेअंतर्गत संपूर्ण शिक्षण क्षेत्राचा सर्वांगीण विकास करण्याचा विचार आहे. तसेच या क्षेत्राच्या बळकटीकरणासाठी संख्यात्मक यंत्रणेचा विस्तारही होणार आहे. यामुळे चांगल्या समन्वयाच्या माध्यमातून सध्या शिक्षक आणि शिक्षणासंदर्भात सुरू असलेल्या कार्यक्रमांना मजबूती मिळणार आहे.
  • मुंबईजवळ अरबी समुद्रात छत्रपती शिवाजी स्मारक उभारायला केंद्रीय पर्यावरण आणि वन मंत्रालयाने मंजुरी दिली आहे.
  • समुद्रात 16 हेक्टरच्या दगडी पृष्ठभागावर न्यूयॉर्क येथील "स्टॅच्यू ऑफ लिबर्टी" आणि कन्याकुमारी येथील "स्वामी विवेकानंद स्मारक" यांच्या धर्तीवर आधारित हे स्मारक 190 फूट उंच असेल.
  • किनारी नियमन क्षेत्र अधिसूचना 2011 अंतर्गत विशेष योजना म्हणून विचार करण्याची शिफारस महाराष्ट्र किनारी क्षेत्र व्यवस्थापन प्राधिकरणाने जानेवारीमध्ये पर्यावरण मंत्रालयाला केली होती.
  • स्मारकासाठी समुद्रात भराव टाकावा लागणार असल्याने तसेच बांधकाम करावे लागणार असल्यामुळे तो सुरू करण्यासाठी पर्यावरण मंत्रालयाची मंजुरी आवश्यक होती.
  • गेटवे ऑफ इंडिया तसेच नरिमन पॉईंट येथील प्रस्तावित जेटीमधून प्रवाशांना स्मारकाकडे जाता येईल.
  • अंगणवाडी केंद्रांची निर्मिती हा एकात्मिक बालविकास सेवांचा एक भाग आहे.प्रत्येक केंद्रात किमान एक शौचालय बांधण्याच्या सूचना राज्यांना देण्यात आल्या आहेत.
  • केंद्रीय महिला आणि बालविकास मंत्री: मनेका गांधी
  • अमेरिकेच्या अवकाश संशोधन संस्थेने (नासा)  "ओरायन" हे अवकाश यान आकाशात सोडत नवा अध्याय रचला आहे. या यानाच्या साह्याने मानवाला मंगळावर पाठविण्याची तयारी "नासा' ने जवळपास पूर्ण केल्याचे समजते.
  • अंतराळवीर घेऊन जाण्याची क्षमता असलेल्या या यानाचा उद्देश "मंगळावर स्वारी" हाच आहे. मात्र, 6 डिसेंबर 2014 रोजी घेण्यात आलेल्या चाचणीसाठी अवकाशात सोडलेल्या या यानाचा प्रवास फक्त चारच तासांचा होता.
  • "सोंगाड्या", "एकटा जीव सदाशिव"  यासारख्या अनेक लोकप्रिय चित्रपटांचे दिग्दर्शक गोविंद कुलकर्णी(80) यांचे वृद्धापकाळाने निधन झाले. या  दोन चित्रपटांबरोबरच बन्या बापू, अशी रंगली रात्र, अंगार, शपथ तुला बाळाची, मर्दानी, दैवत अशा चित्रपटांची कुलकर्णी यांनी निर्मिती केली. 
  • सात लाख उसतोडणी कामगारांना संघटित क्षेत्रामध्ये समाविष्ट केल्याची घोषणा मुख्यमंत्री देवेंद्र फडणवीस यांनी केली आहे. परळीमध्ये गोपीनाथ गडाचं भूमीपूजन फडणवीस यांच्या हस्ते शुक्रवारी झालं.
  • मंगळावर कधीकाळी पाणी असल्याचा पुरावा मिळाल्याचे अमेरिकेची अंतराळ संशोधन संस्था "नासा"ने सांगितले आहे. भारतीय वंशाच्या शास्त्रज्ञाच्या नेतृत्वाखालील संशोधकांच्या गटाने "क्‍युरीऑसिटी" रोव्हरच्या माध्यमातून हा शोध लावला आहे. या शोधामुळे आपल्या सूर्यमालेत पृथ्वीप्रमाणेच मंगळावरही जिवाणूंच्या वाढीसाठी योग्य वातावरण होते, असे सूचित होते.
  • मंगळावर असलेला "शार्प" हा पर्वत लक्षावधी वर्षांमध्ये सरोवरामध्ये येऊन पडलेल्या गाळापासून बनलेला आहे, असे "नासा"चे म्हणणे आहे.
  • वर्ष 2019 पर्यंत स्वच्छ भारताचे उद्दिष्ट पूर्ण करण्यासाठी स्वच्छ भारत कोष स्थापन करण्यात आला आहे.
  • केंद्र सरकारच्या महत्वाकांक्षी "स्मार्ट सिटी‘ प्रकल्पाचे काम जानेवारीपासून सुरु होणार.
  • केंद्रीय नगर विकास मंत्री: वेंकय्या नायडू
  • आता विमानतळांवर व्हिल चेअर उपलब्ध होण्यासाठी आजारी प्रवाशांनी वैद्यकीय प्रमाणपत्र सादर करणे बंधनकारक नाही.
  • कर्नाटक विधानसभेत मोबाईल वापरावर आजपासून बंदी घालण्यात आली आहे.
  • कर्नाटकातील एक आमदार स्मार्टफोनवर प्रियांका गांधी-वद्रा यांचे फोटो झूम ईन करून पाहताना आढळून आले होते.
  • कर्नाटक विधानसभेत 2012 मध्ये भाजपचे दोन मंत्री मोबाईल फोनवर अश्‍लील व्हिडिओ पाहताना सापडले होते.
  • फिलिपाइन्सच्या पूर्वेला हॅग्यूपीट चक्रीवादळाचा तडाखा बसला.
  • मुलींना तांत्रिक शिक्षण घेण्यासाठी प्रोत्साहन आणि मदत पुरवण्यासाठी सरकारने 2014-15 वर्षापासून "प्रगति शिष्यवृत्ती" सुरु केली आहे. "प्रगती शिष्यवृत्तीची" ठळक वैशिष्टये पुढीलप्रमाणे :-
    1.      प्रतिवर्ष शिष्यवृत्ती संख्या – 4000
    2.     वार्षिक 6 लाख रुपयांहून कमी उत्पन्न असणाऱ्या प्रत्येक कुटुंबातील एक मुलगी
    3.     पात्रता परिक्षेतील गुणवत्तेनुसार उमेदवारांची निवड
    4.     राज्य/केंद्र सरकारच्या केंद्रीय प्रवेश प्रक्रियेच्या माध्यमातून 2014-15 या शैक्षणिक  वर्षात एआयसीटीई मान्यताप्राप्त  कोणत्याही संस्थेत पदवी अथवा पदविका अभ्यासक्रमाच्या पहिल्या वर्षाला उमेदवाराने प्रवेश घेतलेला असावा.
    5.     शिष्यवृत्ती रक्कम : शैक्षणिक शुल्क 30 हजार रुपये किंवा प्रत्यक्ष शुल्क यापैकी जे कमी असेल ते आणि दरवर्षी 10 महिन्यांसाठी 2 हजार रुपये, प्रति महिना.
  • केंद्रीय मनुष्यबळ  विकास मंत्री स्मृती इराणी
  • राष्ट्रीय ऊर्जा संवर्धन दिन: 14 डिसेंबरimages
  • राष्ट्रीय ऊर्जा संवर्धन दिनानिमित्त "ऊर्जा बचत" नावाचे नवीन पोर्टल सुरु करण्यात  येणार आहे. ऊर्जा वापराबाबतचा ठोस संदेश घरे, कार्यालये आणि उद्योग क्षेत्रापर्यंत पोहोचण्यासाठी राष्ट्रीय ऊर्जा संवर्धन दिन साजरा केला जातो.
  • शालेय विद्यार्थ्यांना ऊर्जा संवर्धनासाठी प्रोत्साहन देणे हा या पोर्टलचा उद्देश आहे.
  • ऊर्जा, कोळसा, नवीन आणि पुनर्नवीकरणीय ऊर्जा राज्यमंत्री पियुष  गोयल
  • प्राथमिक आणि उच्च प्राथमिक शाळांमधील अंध मुलांना सर्व शिक्षा अभियानांतर्गत ब्रेल आणि मोठी छापील पुस्तके पुरवली जातात.
  • हजारो कोटी रुपयांच्या सत्यम गैरव्यवहार प्रकरणी येथील विशेष आर्थिक गुन्हे न्यायालयाने रामलिंगम राजू यांना दोषी ठरवत त्यांना सहा महिने तुरुंगवासाची शिक्षा सुनावली आहे.
  • या गैरव्यवहारानंतर सरकारने केलेल्या लिलावात टेक महिंद्रा कंपनीने सत्यमचा ताबा घेतला होता. नंतर महिंद्रा सत्यम ही कंपनीही टेक महिंद्रामध्ये विलीन करण्यात आली
  • अमेरिकेचे अध्यक्ष बराक ओबामा यांनी ऍश्‍टन कार्टर यांची देशाचे नवे संरक्षण मंत्री म्हणून घोषणा केली आहे. आधीचे संरक्षण मंत्री चक हेगेल यांनी राजीनामा दिल्याने तर हे पद रिक्त झाले होते.
  • ऑक्‍टोबर 2011 ते डिसेंबर 2013 या काळात कार्टर हे उप संरक्षणमंत्री होते. याशिवाय, संरक्षण विभागात त्यांनी इतरही अनेक पदे भूषविली आहेत.
  • देशाच्या विविध भागांमध्ये 2020 पर्यंत सुमारे साडेआठ हजार किमी लांबीचे मेट्रो रेल्वे जाळे उभे करण्यात येणार असल्याचे येथील चीन सरकारने जाहीर केले आहे आहे.
  • हे जगातील सर्वांत मोठे मेट्रो रेल्वे जाळे असणार आहे.
  • जगातील सर्वांत धोकादायक देशांमध्ये इराक पहिल्या क्रमांकावर असून, पाकिस्तान आठव्या क्रमांकावर असल्याचे वॉशिंग्टनच्या एका गुप्तचर एजन्सीने प्रसिद्ध केलेल्या अहवालात म्हटले आहे. दक्षिण आशियायी देशांतील केवळ अफगाणिस्तानचाच या यादीत समावेश आहे.
  • पहिल्या दहांमध्ये अनुक्रमे इराक, नायजेरिया, सोमालिया, अफगाणिस्तान, येमेन, सीरिया, लीबिया, पाकिस्तान, इजिप्त, केनिया या देशांचा समावेश असल्याचेही म्हटले आहे.
  • जागतिक बँकेकडून 1100 दशलक्ष अमेरिकी डॉलरचे कर्ज घेण्यासाठी भारताने जागतिक बँकेबरोबरच्या हमी करारावर स्वाक्षऱ्या केल्या.
  • भारतातील रेल्वे वाहतुकीत सुधारणा करणे हा या कराराचा उद्देश आहे.
  • कानपूर आणि मुगलसराय दरम्यान 393 किलोमीटर लांब मालवाहतूक मार्गिका बनवण्यासाठी या कर्जाचा उपयोग केला जाणार आहे.
  • सिक्‍कीममधील "कांचनजुंगा नॅशनल पार्क‘चा जगातील शंभर हरित पर्यटनस्थळांमध्ये समावेश करण्यात आला आहे. चिरंतन पर्यटनस्थळांचे प्रमोशन करणाऱ्या एका आंतरराष्ट्रीय पथकाने ही यादी तयार केली आहे.
  • विविध नेटिझन्सनी आपल्या प्रतिक्रिया नोंदविल्यानंतर आंतरराष्ट्रीय ख्यातीच्या 30 पर्यावरणतज्ज्ञांनी ही यादी तयार केली.
  • दुसऱ्या महायुद्धाच्या काळात ब्रिटनचे माजी पंतप्रधान विस्टन चर्चिल यांच्या कारभाराचे केंद्र राहिलेल्या ऐतिहासिक 'ओल्ड वॉर ऑफिस' इमारतीवर भारताच्या हिंदुजा समुहाची मालकी प्रस्थापित झाली आहे.
    हिंदुजा समुहाने स्पेनमधील एका औद्योगिक समुहाशी भागीदारीत ही वास्तू विकत घेतली आहे. लंडनच्या मध्यवर्ती भागात असणाऱ्या या वास्तूचे रूपांतर आता पंचतारांकित हॉटेलमध्ये करण्यात येणार असल्याचे समजते.
  • बोईंग कंपनीच्या विमानाने  जैवइंधन "ग्रीन डिझेल"चा वापर करत अवकाशात यशस्वी झेप घेतली. जगातील ही पहिलीच चाचणी आहे.
  • विविध प्रकारच्या भाज्या, स्वयंपाकानंतर शिल्लक राहिलेले तेल आणि प्राण्यांची चरबी यापासून हे डिझेल तयार करण्यात आले होते.
  • बोईंगने तिच्या "इकोडेमॉनस्ट्रेटर-787‘ या चाचणीसाठीच्या विमानामध्ये 2 डिसेंबर रोजीच ग्रीन डिझेल भरले होते. विमानाच्या इंधन टाकीमध्ये 85 टक्‍के जेट फ्युलसोबत 15 टक्‍के ग्रीन डिझेल भरण्यात आले होते.
  • ग्रीन डिझेल आणि "हेफा‘ या दोन्हींमधील रासायनिक गुणधर्म सारखेच आहेत. हेफा (हायड्रो प्रोसेस्ड ईस्टर्स अँड फॅटी ऍसिड्‌स) ला 2011 मध्ये हवाई वाहतुकीसाठीचे जैवइंधन म्हणून मान्यता देण्यात आली आहे.
  • ग्रीन डिझेल आणि बायोडिझेलमध्ये बराच फरक आहे.
  • हे पारंपरिक इंधनाला सशक्‍त पर्याय ठरू शकते.
आपल्याला पोस्ट आवडल्यास डाव्या बाजूला असलेले फेसबुक लाईक वर क्लिक करा.
सविस्तर वाचण्यासाठी येथे क्लिक करा ...

Saturday, December 13, 2014

संक्षिप्त चालू घडामोडी 13 डिसेंबर 2014

  • पंतप्रधान नरेंद्र मोदी आणि भारत दौऱ्यावर आलेले रशियाचे अध्यक्ष व्लादिमिर पुतिन यांच्यामध्ये झालेल्या वार्षिक शिखर परिषदेत तेल, वायू, संरक्षण, गुंतवणूक, व्यापार, ऊर्जा आदी महत्त्वाच्या क्षेत्रांतील सहकार्यासाठी एकूण 20 करार झाले. उभय देशांनी अणुऊर्जा क्षेत्राला विशेष महत्त्व देण्यात आले असून, रशियाची रुस्तम कंपनी 2035 पर्यंत भारतात 12 अणुभट्ट्या बांधणार आहे. भारतासाठी अत्याधुनिक हेलिकॉप्टरची निर्मिती करण्याची तयारीही रशियाने दर्शवली आहे.
    अणुऊर्जा क्षेत्रात दोन्ही देशांनी विकासाचा रोडमॅप केला आहे. रशिया येत्या काळात भारतात 20 अणुभट्ट्यांचा बांधणार आहे. त्यापैकी रशियाची रुस्तम कंपनी 2035 पर्यंत 12 अणुभट्ट्यांचा बांधणार आहे.
  • महत्त्वपूर्ण बाबी:
    • येत्या 20 वर्षांत रशियाकडून भारतामध्ये बारा अणुभट्ट्या
    • 'रोसनेफ्ट'चा 'इस्सार ऑइल'बरोबर 10 वर्षांसाठी कच्च्या तेलाचा पुरवठा करण्याचा करार
    • लढाऊ विमान निर्मिती, बहुउद्देशीय मालवाहू विमाने, अत्याधुनिक हेलिकॉप्टरसंबंधी करार
    • रशियातील तेल उत्खनन प्रकल्पांत भारताचा सहभाग
    • तामिळनाडूमधील कुडनकुलम 2015मध्ये दुसरी अणुभट्टी.
    • कुडनकुलम येथे एकूण सहा अणुभट्ट्या. याखेरीज आणखी सहा अणुभट्ट्यांची जागा निश्चित नाही.

international-yoga day

  • संयुक्त राष्ट्राने 21 जून हा 'आंतरराष्ट्रीय योग दिन' साजरा करण्याच्या प्रस्तावाला मान्यता दिली आहे. भारताच्या नेतृत्वाखालील 177 देशांच्या प्रतिनिधींकडून हा प्रस्ताव करण्यात आला होता.
  • भारताचे पंतप्रधान नरेंद्र मोदी यांनी सप्टेंबरमध्ये झालेल्या संयुक्त राष्ट्रांच्या महासभेतही हा प्रस्ताव मांडला होता. त्याला तीन महिन्यांनंतर मान्यता देण्यात आली आहे. या प्रस्तावात योगासनांचे फायदे आणि त्याचे आरोग्यावरील परिणाम यांचे विस्तृत विवेचन करण्यात आलेले आहे.
  • संयुक्त राष्ट्रांच्या 193 देशांपैकी 177 देशांचे सहप्रतिनिधी लाभले आहेत. प्रथमच एखाद्या प्रस्तावाला एवढय़ा देशांचे सहप्रतिनिधी लाभले.
  • विशेष म्हणजे संयुक्त राष्ट्रातील सुरक्षा आयोगाचे कायमस्वरूपी सदस्य असलेले चीन, फ्रान्स, रशिया, इंग्लंड आणि अमेरिका हे देशही या प्रस्तावाचे सहप्रतिनिधी आहेत
  • suicideआत्महत्येच्या प्रयत्नाला गुन्ह्यांच्या श्रेणीतून लवकरच हटवण्यात येणार आहे. विधी आयोगाने केलेल्या शिफारसीनुसार केंद्रातील रकारने आयपीसी कलम 309 (आत्महत्येचा प्रयत्न) रद्द करण्याचा निर्णय घेतला आहे.
  • आयपीसीच्या कलम 309 नुसार आतापर्यंत आत्महत्येच्या प्रयत्न हा गुन्हा ठरत असल्याने संबंधिताला एक वर्षाची शिक्षा आणि दंड आकारण्याची तरतूद आहे.
  • आत्महत्येच्या प्रयत्नाला मानवतेच्या दृष्टीकोनातून बघावं आणि गुन्ह्यांच्या श्रेणीतून ते हटवलं गेलं पाहिजे, अशी शिफारस विधी आयोगाने आपल्या अहवालातून सरकारला केली होती.
  • पंतप्रधान नरेंद्र मोदी यांच्या घोषणेनुसार रेल्वे मंत्रालयाने आता महत्त्वाच्या रेल्वे स्टेशन्सवर मोफत 'वाय-फाय' सेवा देण्याचा निर्णय घेतला आहे. त्यानुसार दिल्ली रेल्वे स्टेशनवर 'वाय-फाय' सेवेचा प्रारंभ करण्यात आला.
  • दिल्ली स्टेशनवरच्या सर्व 16 प्लॅटफॉर्मवर 'वाय-फाय' सेवा अर्धा तासासाठी मोफत मिळेल. त्यानंतर अधिक 'वाय-फाय' वापरायचे झाल्यास प्रवाशांना 30 मिनिटांसाठी 25 रुपयांचे, तर एक तासासाठी 30 रुपयांचे स्क्रॅच कार्ड घेता येईल.
  • 'वाय-फाय' हेल्पडेस्कवर मिळणारी ही कार्ड 24 तासांसाठी वैध असणार आहेत.
  • gandhiचलनी नोटांवर महात्मा गांधी यांच्याशिवाय अन्य कोणत्याही राष्ट्रीय नेत्याचा फोटो छापण्यास रिझर्व्ह बँकेच्या पॅनेलने नकार दिला आहे. लोकसभेतील लेखी उत्तरामध्ये केंद्रीय अर्थमंत्री अरुण जेटली यांनी ही माहिती दिली.
  • रिझर्व्ह बँकेने भविष्यातील नोटा छापण्याविषयी ऑक्टोबर 2010 मध्ये या पॅनेलची स्थापना केली होती.
  • उत्तर प्रदेशातील ग्रेटर नोएडात येत्या दोन वर्षांत टाइम्स समूहाच्यावतीने जागतिक दर्जाचे बेनेट विद्यापीठ सुरू करण्यात येणार आहे. अमेरिकेतील जॉर्जिया टेक विद्यापीठासह देशातील नावाजलेल्या अनेक विद्यापीठांशी या विद्यापीठाचा करार होणार आहेत.
  • 68 एकरांवर उभारण्यात येत असलेले हे विद्यापीठ जुलै 2016 मध्ये प्रत्यक्ष कार्यान्वित करण्याचे लक्ष्य ठेवण्यात आले आहे.
  • या विद्यापीठात 10 हजार विद्यार्थी शिक्षण घेऊ शकणार असून पहिल्या टप्प्यात इंजिनीअरिंग, मेडिकल, उद्योजकता, लिबरल आर्ट्‍स आदींशी संबंधित कोर्स उपलब्ध केले जातील.
  • कंपनी कायद्याप्रमाणे सार्वजनिक क्षेत्रातील ठरावीक कंपन्यांच्या संचालकपदी किमान एक ​महिलेची नियुक्ती करणे बंधनकारक आहे.
  • येत्या 6,7,8 फेब्रुवारी रोजी बेळगाव येथे अखिल भारतीय मराठी नाट्यसंमेलन होत आहे.
  • ऑनलाइन खरेदी करणाऱ्या ग्राहकांची फसवणूक टाळून हिताचे रक्षण करण्यासाठी केंद्र सरकारने 'ग्राहक संरक्षण कायद्या'त दुरुस्ती करण्याच्या प्रक्रियेस सुरुवात केली आहे.
  • ऑनलाइन खरेदीमध्ये फसवणुकीचे प्रकार वाढले आहेत. त्यामुळे ग्राहकांच्या हिताचे संरक्षण करण्यासाठी सरकारने पुढाकार घेतला आहे
  • सोशल मिडीयाचा अतिशय खुबीने वापर करणाऱया पंतप्रधान नरेंद्र मोदींची राजकारणाप्रमाणे आता ट्विटरवर देखील लाट निर्माण झाली असून सर्वाधिक रिट्विटचा 'गोल्डन ट्विट' किताब लोकसभा निवडणूक जिंकल्यानंतर मोदींनी केलेल्या ट्विटला मिळाला आहे.
  • वर्षभरातील सर्वाधिक रिट्विटसाठी हा पुरस्कार दिला जातो.  लोकसभा निवडणुकीतील विजयानंतर मोदींनी  'India has won! भारत की जय! अच्छे दिन आनेवाले है' असे ट्विट केले होते, जे 70 हजारांपेक्षा जास्तवेळा रिट्विट करण्यात आले. त्यामुळेच मोदींच्या ट्विटला 'गोल्डन ट्वीट 2014' हा किताब मिळाला आहे. वर्षाच्या अखेरीस ट्विटरकडून 2014 इयर ऑन ट्विटर हा अहवाल घेण्यात आला.
  • दिल्लीतील उबेर कंपनीच्या टॅक्सी चालकाने एका 25 वर्षीय महिलेवर बलात्कार केल्याची घटना घडल्याने आज (सोमवार) दिल्ली सरकारने शहरातील उबेर कंपनीच्या सर्व टॅक्सींवर बंदी घालण्याचा निर्णय घेतला आहे.
  • उबेर या खासगी कंपनीकडून दिल्लीत टॅक्सीसेवा चालविली जाते. पण, यापुढे www.uber.com याच्याशी संबंधित सर्व घडामोडींवर बंदी घालण्यास वाहतूक विभागाला सांगण्यात आल्याचे, दिल्ली सरकारने सांगितले आहे.
  • प्रवासी महिलेवरील बलात्काराच्या घटनेनंतर सरकारने तातडीने पाऊल उचलत या कंपनीचा परवाना रद्द करण्याचा निर्णय घेतला आहे.
  • आंध्र प्रदेशसाठी नवी राजधानी तयार करण्यासाठी राज्याने सिंगापूरबरोबर सामंजस्य करार केला आहे. आंध्रसाठी जागतिक दर्जाची राजधानी निर्माण करण्यासाठीचा "मास्टर प्लॅन‘ सहा महिन्यांत तयार होणार.
  • या प्रकल्पामध्ये सिंगापूरमधील अनेक कंपन्याचा सहभाग आहे.
  • पाकिस्तानातील जमात उद दवा या दहशतवादी संघटनेचा नेता हफीझ सईद याला आता ट्‌विटरच्या माध्यमामधून भारताविरुद्ध गरळ ओकण्याची संधी मिळणार नाही. सईद याचे ट्‌विटर अकाऊंट कंपनीकडून बंद करण्यात आले आहे.
  • मुंबई येथील दहशतवादी हल्ल्यामागचा (26/11) प्रमुख सूत्रधार असलेला सईद याने ट्‌विटरच्या माध्यमामधून भारतविरोधी विखारी प्रचार सुरु ठेवला होता. या चिथावणीखोर व वादग्रस्त ट्‌विट्‌सच्या माध्यमामधून सईद हा भारतविरोधी वातावरण तयार करत होता. बांगलादेश युद्धाचा पाकिस्तान सूड घेईल व काश्‍मीर "स्वतंत्र‘ करेल, अशा आशयाचे ट्‌विट त्याने नुकतेच केले होते. या पार्श्‍वभूमीवर ट्‌विटरने आता सईद याचे अकाऊंट बंद केले आहे.
  • राष्ट्रपती प्रणब मुखर्जी यांचे 'द ड्रामॅटिक डिकेड : दी इंदिरा गांधी ईयर्स' हे पुस्तक अलीकडेच रूपा प्रकाशनने प्रकाशित केले आहे.
  • अमेरिकेच्या सिनेटने भारतातील पुढचे राजदूत म्हणून रिचर्ड राहुल वर्मा यांच्या नावाला मंजुरी दिली.
  • वर्मा 46 वर्षांचे असून पहिलेच भारतीय वंशाचे अमेरिकी राजदूत आहेत.
  • वर्मा यांनी नागरी अणुकरार घडवण्यात महत्त्वाची भूमिका पार पाडली होती. भारत-अमेरिका यांच्या मजबूत संबंधाचे ते पुरस्कर्ते आहेत. 'सेंटर फॉर अमेरिकन प्रोग्रेस' या संस्थेत त्यांनी काम केले आहे. परराष्ट्र खात्यात ओबामा प्रशासनात 2009 ते 2011 दरम्यान विधिमंडळ खात्याचे राज्यमंत्री होते. सध्या ते स्टेपटो व जॉनसन व अलब्राइट स्टोनब्रीज समूह या कंपनीचे वरिष्ठ सल्लागार  होते.
  • दळणवळणासाठी सोडण्यात आलेल्या "जीसॅट- 16‘ या उपग्रहाची कक्षा  बदलण्यात आली. "लिक्विड अपोजी मोटर‘ प्रज्वलित करून ही कक्षा बदलण्यात आल्याची माहिती भारतीय अवकाश संशोधन संस्थेच्या (इस्रो) फेसबुक पेजवर देण्यात आली आहे. हा उपग्रह 36 हजार किलोमीटर उंचीवर स्थिर करण्यात येणार असून, आणखी तीन टप्प्यांत ही उंची गाठली जाणार आहे. या उंचीवर उपग्रह भूस्थिर कक्षेत दाखल होईल, असेही या फेसबुक पेजवर नमूद करण्यात आले आहे.
  • स्वदेशी बनावटीच्या पिनाका मार्क-2 या रॉकेटच्या अत्याधुनिक आवृत्तीची बालासोर (ओडिशा)  येथील लष्करी तळावरून घेण्यात आलेली चाचणी यशस्वी झाली. चाचणी वेळी चार "मार्क-2" रॉकेट सोडण्यात आले.
  • पुण्याच्या "डीआरडीओ"ने ही चाचणीची अंमलबजावणी केली.
  • सिंगापूरचे प्रमुख दैनिक ‘द स्ट्रेट टाइम्स’ने यंदाचा ‘एशियन ऑफ द इयर’ हा पुरस्कार पंतप्रधान नरेंद्र मोदी यांना जाहीर केला आहे. विकासावर लक्ष केंद्रित करणारा भारतीय नेता म्हणून त्यांची निवड करण्यात आली आहे.
मागील काही दिवसांत आम्ही न दिलेले 'संक्षिप्त चालू घडामोडी bits'पुढील काही पोस्ट्स मध्ये टाकून अपडेट करू.
सविस्तर वाचण्यासाठी येथे क्लिक करा ...

Friday, December 12, 2014

सामान्य ज्ञान प्रश्नमंजुषा- 104


1031. रक्तात असणाऱ्या प्रथिनाला काय म्हटले जाते ?general-knowledge-quiz

A. मायोसीन
B. फायब्रीनोजन
C. केसीन
D. व्हिटेलीन


Click for answer

B. फायब्रीनोजन
1032. एक ग्रॅम प्रथिनांमधून किती उष्मांक मिळतात ?

A. 10
B. 8
C. 6
D. 4


Click for answer

D. 4
1033. खालीलपैकी कोणते खरे फळ आहे ?

A. सफरचंद
B. काजू
C. अननस
D. नारळ


Click for answer

D. नारळ
1034. TRIPS आणि TRIMS ह्या संज्ञा कोणत्या यंत्रणेशी निगडीत आहेत ?

A. WTO
B. IMF
C. IBRD
D. ADB


Click for answer

A. WTO
1035. वातावरणातील कोणता थर हा दाट असून तो एकूण वातावरणाच्या 85% इतका व्यापलेला आहे ?

A. मिसोस्फियर
B. थर्मोस्फियर
C. ट्रोपोस्फियर
D. स्ट्रॅटोस्फियर


Click for answer

C. ट्रोपोस्फियर
1036. एकक क्षेत्र जमिनीवर पीक वाढीच्या कालावधीत पर्णक्षेत्र निर्माण करण्याच्या क्षमतेला काय म्हणतात?

A. पर्णक्षेत्र निर्देशांक
B. पर्णक्षेत्र कालावधी
C. पीक वाढीचा दर
D. तुलनात्मक पीक वाढीचा दर


Click for answer

B. पर्णक्षेत्र कालावधी
1037. महाराष्ट्रात मिठाचा सत्याग्रह _____________ येथे झाला.

A. संगमनेर, रत्नागिरी, मालवण
B. वडाळा, मालवण, शिरोडा
C. शिरोडा, संगमनेर, ठाणे
D. कल्याण, मालवण, शिरोडा


Click for answer

B. वडाळा, मालवण, शिरोडा
1038. युनेस्कोने पर्यावरण शिक्षणाचा प्रसार करण्याच्या उद्देशाने कोणाच्या मदतीने आंतरराष्ट्रीय पर्यावरण शिक्षण कार्यक्रम अंमलात आणला ?

A. WHO
B. WWF
C. IEEP
D. UNEP


Click for answer

D. UNEP
1039. खालीलपैकी कोणते शहर कृष्णा-पंचगंगा नद्यांच्या संगमावर आहे ?

A. कराड
B. कोल्हापूर
C. नरसोबाची वाडी
D. सातारा


Click for answer

C. नरसोबाची वाडी
1040. _______________ यांनी स्वामी दयानंद सरस्वतींना 'आर्यसमाज' स्थापनेसाठी मदत केली.

A. स्वामी विवेकानंद
B. आगरकर
C. गोखले
D. लोकहितवादी


Click for answer

D. लोकहितवादी
सविस्तर वाचण्यासाठी येथे क्लिक करा ...

Thursday, December 11, 2014

सामान्य ज्ञान प्रश्नमंजुषा-103



1021. नेफा हे ______________ चे जुने नाव आहे. questions-with-answers

A. मणिपूर
B. मेघालय
C. अरुणाचल प्रदेश
D. त्रिपुरा


Click for answer

C. अरुणाचल प्रदेश
1022. खालीलपैकी भाषिक आधारावर निर्मिती झालेले पहिले राज्य कोणते ?

A. महाराष्ट्र
B. आंध्रप्रदेश
C. गुजरात
D. आसाम


Click for answer

B. आंध्रप्रदेश
1023. IIM मध्ये प्रवेश घेवू इच्छिणाऱ्या विद्यार्थ्यांना कोणती प्रवेश परीक्षा द्यावी लागते ?

A. NET
B. JEE
C. GATE
D. CAT


Click for answer

D. CAT
1024. भारत सरकार कोणत्या दिवशी 'राष्ट्रीय मतदार दिन' म्हणून साजरा करते ?

A. 12 जानेवारी
B. 15 जानेवारी
C. 25 जानेवारी
D. 26 जानेवारी


Click for answer

C. 25 जानेवारी
1025. स्वतंत्र तेलंगणाची मागणी कशावर आधारलेली होती ?

A. भाषिक महत्त्वाकांक्षा
B. प्रादेशिक असंतुलन
C. फुटीरतावादी राजकारण
D. राज्याच्या स्वायत्ततेशी


Click for answer

B. प्रादेशिक असंतुलन
1026. मोटार वाहनांमुळे _____________________ प्रकारचे प्रदूषण होते .

A. हवेमधील
B. प्राथमिक
C. दुय्यम
D. प्राथमिक व दुय्यम दोन्ही प्रकारचे


Click for answer

D. प्राथमिक व दुय्यम दोन्ही प्रकारचे
1027. ई-मेलचा अर्थ ________________________ असा आहे.

A. इलेक्ट्रॉनिक मेल
B. इलेक्ट्रिकल मेल
C. इलेक्ट्रोमॅग्नेटीक मेल
D. इलेक्ट्रोस्टॅटीक मेल


Click for answer

A. इलेक्ट्रॉनिक मेल
1028. खालीलपैकी कोणत्या महामार्गावर 'खंबाटकी घाट' लागतो ?

A. मुंबई-पुणे
B. मुंबई-गोवा
C. मुंबई-आग्रा
D. पुणे-बेंगळूरु


Click for answer

D. पुणे-बेंगळूरु
1029. खालीलपैकी कोणता प्रत्यक्ष कर आहे ?

A. व्यवसाय कर
B. मूल्यवर्धित कर
C. सेवा कर
D. विक्री कर


Click for answer

A. व्यवसाय कर
1030. महाराष्ट्रातील आदिवासी विकासाच्या चळवळीशी कोण संबंधित नव्हते ?

अ. सेनापती पांडुरंग बापट ब. अनुताई वाघ क. ताराबाई मोडक ड.केशवराव जेधे

A. ब, ड
B. अ, क
C. अ, ड
D. ब, क


Click for answer

C. अ, ड
सविस्तर वाचण्यासाठी येथे क्लिक करा ...